ជីវិតកម្សាន្ដ

ជាប់គាំងសិល្បៈ២ឆ្នាំនាយ ចឺម ស្រវ៉ាចាប់របរតាមអនឡាញបន្ថែមចំណូល

បានផុស

៤ years មុន

នៅ

ថ្ងៃសុក្រ ១៧ កញ្ញា ២០២១

ដោយ

តារាចម្រៀងវ័យក្មេងសំឡេងស្រឡះនាយ ចឺម បានប្រាប់កម្ពុជាថ្មីតាមទូរស័ព្ទនៅថ្ងៃទី១៧ ខែកញ្ញាឆ្នាំ២០២១នេះថា ដោយសារតែអាជីពសិល្ប: ត្រូវជាប់គាំងព្រោះជំងឺកូវីដ-១៩នោះ ទើបបច្ចុប្បន្នខ្លួនងាកមកចាប់មុខរបរថ្មីលើវិស័យអនឡាញវិញម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយ ចឺម បញ្ជាក់ថា មុខរបរថ្មីលើវិស័យអនឡាញសព្វថ្ងៃ គឺការឡាយលក់ផលិតផលធុងបាស់ដើម្បីរកប្រាក់ចំណូលបន្ថែម ខណ:ការងារសិល្ប:ត្រូវផ្អាកមួយសន្ទុះធំមកហើយ។

នាយ ចឺម និយាយថា ” ខ្ញុំទើបតែចាប់ផ្តើមឡាយលក់បានប្រមាណមួយខែប៉ុណ្ណោះ ព្រោះបើចាំពឹងលើសិល្ប:មិនដឹងថា ពេលណាស្ងប់កូវីដអាចបើកការប្រគុំតន្ត្រីវិញឡើយ”។

ចឺម បានបន្តទៀតថា បើមិនខំរកតើបានចំណូលមកពីណា ដូច្នេះមានតែតាមគេតាមឯងសិនទៅក្នុងដំណាក់កាលនេះ ក្រែងបានប្រាក់ខ្លះដោះស្រាយជីវភាព។ ម្យ៉ាងការលក់ធុងបាស់នេះ ក៏ទទួលបាន ការគាំទ្រច្រើនពីអតិថិជនផងដែរ។

បន្ថែមពីនេះនាយ ចឺម បានលើកឡើងថា សម្រាប់សិល្ប:សព្វថ្ងៃ គឺមានតែការឡើងតាមប៉ុស្តិ៍ទូរទស្សន៍ ក្នុង១ខែ៣ឬ៤ដងទេ ពោលគឺវាមិនច្រើនដូចមុនដែលស្ទើររកពេលសម្រាកគ្មានឡើយ។ចំណែកចំណូលប្រចាំខែក៏ត្រូវបាត់បង់ព្រោះតែគ្មានទីផ្សាចេញច្រៀងនាអំឡុងពេលជំងឺកូវីដ-១៩នេះ៕

អត្ថបទ៖ ចាន់រ៉ា