ជីវិតកម្សាន្ដ

តារាកំប្លែង ស្រីអ៊ីត ចេញមុខការពារ នាយ ចឺម ក្រោយរងការជេរប្រមាថពាក់ព័ន្ធបទចម្រៀងថ្មី

បានផុស

២ years មុន

នៅ

ថ្ងៃអង្គារ ២ មេសា ២០២៤

ដោយ

នៅលើបណ្ដាញសង្គមហ្វេសប៊ុកថ្មីៗនេះមានការចែករំលែកដោយធ្វើការរិះគន់យ៉ាងចាស់ដៃលើតារាចម្រៀងវ័យក្មេងគឺនាយ ចឺម បន្ទាប់ពីមានការបញ្ចេញរូបភាព Poster ពាក់ព័ន្ធបទចម្រៀងថ្មីមានចំណង ជើងថា “កន្លះកេសផឹកម្នាក់ឯង”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលមានការបង្ហោះចែករំលែករូបភាព Posterពាក់ព័ន្ធបទចម្រៀងថ្មីខាងលើនេះភ្លាមៗនោះ នាយ ចឺម ត្រូវអ្នកគាំទ្រ និងទស្សនិកជនមួយចំនួនសម្ដែងការរិះគន់ជាខ្លាំង ខណៈមានការលើកឡើងថាមិនគួរចេញបទចម្រៀងលក្ខណៈបំផុសពីការផឹកស៊ី ឬប្រើចំណងជើងបែបនេះឡើយ។

ជាមួយគ្នានោះមានការលើកឡើងថា «ខ្ញុំសង្ឃឹមថាអ្នកនិពន្ធ និងអ្នកចម្រៀងទាំងអស់គួរគិតពិចារណាទៅលើអត្ថន័យ និងអត្ថន័យរបស់បទនីមួយៗតើវាមានលក្ខណៈ អប់រំ ឬទេ? ដោយសារតែមានអ្នកផឹកស៊ីច្រើនហ្នឹងហើយ ទើបយើងជាអ្នកនិពន្ធគួរសរសេរបទណាដែលអប់រំមនុស្សឲ្យស្អប់ការផឹកស៊ី នឹងទៅទើបវាមានគុណតម្លៃមនុស្សជាតិទាំងមូល។ សូមចួលរួមយោបល់ប៉ុណ្ណឹងបើសិនជាខុសកុំប្រកាន់»។

មានការលើកឡើងទៀតថា «ខ្ញុំគាំទ្រពេញទំហឹងមិនចង់ឲ្យតារាមួយណាចេញវត្តបែកស្លុយនោះទេព្រោះខូចក្មេងជំនាន់ក្រោយអស់ហើយ។ ចុះបើក្មេងជំនាន់ក្រោយបែកស្លុយតើមានទំពាំងឯណាស្នង។ ដោយឡែកក៏ស្រាប់តែមាននារីម្នាក់បានធ្វើការរិះគន់យ៉ាងកប់ៗមាត់ថា“អួតតែរឿងផឹកកូនមីចោរកាឆុយអស់នេះ…”»។

ប្រតិកម្មទៅនឹងការរិះគន់ជេរប្រមាថខាងលើនេះតារាកំប្លែងអ្នកនាង អ៉ីត ដែលជាម្តាយមីងបង្កើត នាយ ចឺម បានចេញមុខឆ្លើយតបវិញថា «“ចាំបាច់ជេរដល់ម៉ែហាស មីអូននិយាយឲ្យស្រួលបួលបន្តិច មិនចូល ចិត្តអីនិយាយឲ្យស្រួលបួលកុំលេងដល់ពូជ“។ នាងបញ្ជាក់បន្ថែមថា បទចម្រៀង ក្មួយ ចឺម ខ្ញុំគឺមិនទាន់ចេញទេស្រាប់តែមានបងប្អូនមួយចំនួនតូចគាត់ជេរយកតែម្តងដែលមិនទាន់ស្តាប់អត្ថន័យបទចម្រៀងនៅឡើយទេ»។

ស្រីអ៉ីត និយាយទៀតថា «សូមស្តាប់អត្ថន័យបទចម្រៀងសិនទៅគ្រាន់តែឃើញចំណងជើងបទចម្រៀងស្រាប់តែជេរយកអ៊ីញ្ចឹងតែម្តងហើយជេរគាត់មធ្យមទេងំ គឺជេរដល់ម្តាយគាត់ និងរាលដាលដល់ពូជអំបូរទៀតខ្ញុំអត់យល់រឿងអ្នកជេរហ្នឹងតើចង់បានអ្វី?បើយើងមិនចង់បានត្រង់ចំណុចណាមួយគឺយើងអាចរិះគន់ដើម្បីកែតម្រូវខ្លះទៅកុំមកជេរប្រមាថបែបនេះ៕

អត្ថបទ៖ ចាន់រ៉ា