ជីវិតកម្សាន្ដ

ឌួង ហ្សូរីដា រម្លឹករឿង៤ឆ្នាំមុនធ្លាប់ជួយជីវិត យូ ឌីស្កូ

បានផុស

៤ years មុន

នៅ

ថ្ងៃអង្គារ ២៨ កញ្ញា ២០២១

ដោយ

មហាជននិងអ្នកគាំទ្រប្រាកដជាបានជ្រាបច្បាស់រួចមកហើយថា កាលពីប្រមាណ៤ឆ្នាំមុនតារាប្រុសលោក យូ ឌីស្កូ បានធ្លាក់ខ្លួនឈឺជំងឺធ្ងន់ធ្ងរដោយបានដេកសម្រាកព្យាបាលអស់រយៈពេលជាច្រើនខែនៅប្រទេសកម្ពុជា ប៉ុន្តែកាលនោះលោកមិនជាសះស្បើយឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយមកលោក យូ ឌីស្កូ ក៏សម្រេចចិត្តបញ្ចូនទៅព្យាបាលបន្តនៅប្រទេសឥណ្ឌាដើម្បីធ្វើការព្យាបាលវះកាត់ប្ដូរក្រលៀនថ្មីរហូតទទួលបានជោគជ័យ បន្ទាប់ពីបានការជួយឧបត្ថម្ភពីសប្បុរសជននានាជា ពិសេស គឺការជួយឧបត្ថម្ភថ្លៃព្យាបាលពីសំណាក់ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន។

រម្លឹកដល់រឿងរ៉ាវ៤ឆ្នាំមុនរបស់តារាប្រុសលោក យូ ឌីស្កូ ត្រូវបានតារាស្រីដែលជាមិត្តភ័ក្ដិស្និទ្ធស្នាលរួមអាជីពក៏បានលើកឡើងតាមរយ:ខ្លឹមសារខ្លីអមដោយរូបភាពថា បរិច្ចាគឈាមជួយជីវិតបង យូ ឌីស្កូ ជាមួយមហាជនខ្មែរដទៃទៀត (៤ឆ្នាំមុន)។

ដោយឡែកបើតាមការកត់សម្គាល់ទន្ទឹមនឹងសុខភាពបានល្អប្រសើរឡើងវិញហើយនោះ បច្ចុប្បន្នលោកក៏បានបោះជំហានចូលសិល្បៈជាថ្មី ជាមួយនឹងទឹកមុខស្រស់ស្រាយមានសាច់ឈាមស្រស់ថ្លាជាងមុនច្រើនធ្វើឲ្យចូលរួមអបអរដោយពេលឃើញលោក យូ ឌីស្កូ ប្រឡប់មកប្រសើរដូចដើមវិញនោះ៕

អត្ថបទ៖ ចាន់រ៉ា