តារាប្រុសស្រី ៤រូបនេះហើយ មានតម្លៃខ្លួនខ្ពស់ជាងគេ ប្រចាំវិស័យភាពយន្តកូរ៉េ

នៅចុងឆ្នាំ២០២១នេះ តារាប្រុសស្រីកូរ៉េ ៤ដួង បានក្លាយជាកំពូលតារាមានតម្លៃខ្លួនខ្ពស់បំផុត ខណៈសម្ដែងចប់មួយរឿងភាគ ម្នាក់ៗទទួលបានប្រាក់ចំណូលជាងលានដុល្លារឯណោះ។

តារាសម្ដែងប្រុសស្រីទាំង ៤ដួងនោះ រួមមាន៖

១. តារាសម្ដែង Kim Soo Hyun

ស្ថិតក្នុងវ័យ ៣៣ឆ្នាំ តារាសម្តែង Kim Soo Hyun បានឈរលើបញ្ជីតារាប្រុសស៊ីថ្លៃបំផុតប្រចាំវិស័យភាពយន្តកូរ៉េ ខណៈសម្ដែងតែមួយភាគក្នុងខ្សែភាពយន្ត “One Ordinary Day” លោកមានតម្លៃខ្លួន ៥០០លានវ៉ុន (ប្រហែល ៤២៣,០០០ ដុល្លារអាមេរិក)។ ក្រោយថតចប់ចំនួន ​៨ភាគនៃខ្សែភាពយន្តមួយនេះ Kim Soo Hyun រកចំណូលបានប្រមាណ ៣,៤៥៦,០០០ ដុល្លារអាមេរិក។

២. តារាសម្ដែង Lee Jung Jae

ប្រភពពី Today បានឱ្យដឹងថា លោក Lee Jung Jae អាចរកប្រាក់បាន ៣០០ លានវ៉ុន (ប្រហែល ២៥ម៉ឺនដុល្លារ) ក្នុងមួយភាគ កាលពីពេលថតរឿង Squid Game ដែលចំណូលនេះធ្វើឱ្យលោកក្លាយជាតារាសម្ដែងប្រុសស៊ីថ្លៃលំដាប់ទី២ នៅក្នុងប្រទេសកូរ៉េខាងត្បូង។  ចំពោះខ្សែភាពយន្ត Squid Game តារាវ័យ ៤៨ឆ្នាំរូបនេះ ទទួលបានចំណូល ២.២៨៦ លានដុល្លារអាមេរិក។

៣. តារាសម្ដែង Song Hye Kyo

សារព័ត៌មានកូរ៉េខាងត្បូង បានរាយការណ៍ថា Song Hye Kyo បានក្លាយជាតារាស្រីដំបូងគេ ដែលរកចំណូលបាន ២០០ លានវ៉ុន (ប្រហែល ១៧០,០០០ ដុល្លារ) ក្នុង​រឿង​មួយ​ភាគ នៅចុងឆ្នាំ២០២១នេះ។

ក្រោយពីថតចប់​ក្នុង​រឿង “Now We Are Breaking Up” ដែលជាខ្សែភាពយន្តថ្មីបំផុតរបស់នាង តារាស្រីវ័យ ៤០ឆ្នាំរូបនេះ ទទួលប្រាក់ឈ្នួល ២,៧២០,០០០ ដុល្លារអាមេរិក។

៤. តារាសម្ដែង Jun Ji Hyun

ប្រភពពី​ប្រព័ន្ធ​ផ្សព្វផ្សាយកូរ៉េ បានឱ្យដឹងដែរថា Jun Ji Hyun ក្លាយតារា​ស្រីទទួល​បាន​ប្រាក់ចំណូលស្មើ Song Hye Kyo គឺ​ជាង ២០០លានវ៉ុន នៅក្នុងរឿងមួយភាគ ។ ប្រភពដដែលបន្ថែម Jun Ji Hyun ក្រោយពេលសម្ដែងក្នុងខ្សែភាពយន្ត “Jirisan” ដែលមានចំនួន ​១៦ភាគ នាងរកប្រាក់បាន ២,៧២០,០០០ ដុល្លារអាមេរិក៕

អត្ថបទ៖ សន្យា

ចុចអាន៖ “Squid Game” ក្លាយជាភាពយន្តបរទេសតែមួយគត់ ឈ្នះពានរង្វាន់មួយនេះ

ចុចអាន៖ ចុងឆ្នាំមិនដឹងទៅណា! មកមើលរឿងភាគកូរ៉េល្បីៗ កំពុងចាក់បញ្ចាំងទូទាំងពិភពលោក