ជីវិតកម្សាន្ដ

ពេជ្រ សោភា ហួសចិត្តលើបុគ្គលមួយចំនួនដែលពូកែជេរច្រើនជាងចេះអក្សរខ្មែរ

បានផុស

១ ខែ មុន

នៅ

ថ្ងៃអង្គារ ១៤ ធ្នូ ២០២១

ដោយ

ភ្នំពេញ ៖ តារាចម្រៀងពេជ្រ សោភា បានសម្តែងអារម្មណ៍ហួសចិត្តចំពោះបុគ្គលមួយចំនួនដែលពូកែខាងរិះគន់ឬជេរច្រើនជាងការចូលរួមអភិ រក្សកេរ្តិ៍ដំណែលរបស់ដូនតាដែលបានបន្សល់ទុកពិសេសអក្សរសាស្ត្រជាតិតែម្តង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចេញមុខរបស់តារាចម្រៀង ពេជ្រ សោភា នេះបានធ្វើឡើងបន្ទាប់ពីមានបុគ្គលមួយចំនួនតូចដែលបានធ្វើការរិះគន់យ៉ាងទទឹងទិសលើឈុតតំណាងជាតិរបស់បវរកញ្ញាកម្ពុជា ងិន ម៉ារ៉ាឌី ដែលបានបង្ហាញលើឆាកអន្តរជាតិមានរចនាដោយអក្សខ្មែរយ៉ាងត្រដែតនិងអស្ចារ្យបំផុត។

អ្នកនាង ពេជ្រ សោភា បានបង្ហោះភ្ជាប់នឹងរូបភាព បនៃអត្ថន័យអក្សរខ្មែរដោយមានខ្លឹមសារដូច្នេះថា ពាក្យនេះគឺស្រុកខ្មែរដឹងទេប្រទេសគេចង់បានណាស់អក្សរបែបនេះគេអោយកូនចៅគេរៀនអក្សរ តែយើងមួយចំនួនបែរជាចេះជេរច្រើនជាងចេះអក្សរខ្មែរ។

តារាចម្រៀងអ្នកនាង ពេជ្រ សោភា បានលើកឡើងទៀតថា ប្រើអក្សរបុរាណរបស់ខ្លួនឯង ខ្លួនឯងមើលមិនដាច់និយាយថា មិនដឹងជាសរសេរអក្សរអ្វីមើលមិនយល់សំខាន់តាមរកមុខអ្នកធ្វើឈុតនេះទៀត អាណិតលោកគ្រូ អ្នកគ្រូណាស់។ មានការបញ្ចេញទស្សនថា អ្នកច្នៃម៉ូតតំណាងជាតិជាខ្មែរក្រោមស្រាវជ្រាវច្បាស់លាស់និងបង្កប់អត្ថន័យយ៉ាងជ្រៅនៃឈុតនេះគ្រប់ក្បាច់ គ្រប់គ្រឿងសុទ្ធតែជាខ្មែរ យកមកពីប្រាសាទខ្មែរ៕

ដោយ ៖ ចាន់រ៉ា