ជីវិតកម្សាន្ដ

បវរកញ្ញាចក្រវាលកម្ពុជា២០២១ រំលេចខ្លួនក្នុងការងារសង្គមតាមបណ្តាខេត្ត

បានផុស

៤ ខែ មុន

នៅ

ថ្ងៃចន្ទ ២៨ កុម្ភៈ ២០២២

ដោយ

ភ្នំពេញ ៖ ស្របពេលដែលការគាំទ្រនិងប្រជាប្រិយភាពកំពុងលេចធ្លោលើវិស័យសិល្បៈកញ្ញា ងិន ម៉ារ៉ាឌី ដែលជាបវរកញ្ញាចក្រវាលកម្ពុជា២០២១ពេលនេះបានចាប់រំលេចខ្លួនជាមួយការងារជួយសង្គមគួរឲ្យសរសើរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការងារសង្គមដែលបវរកញ្ញា ងិន ម៉ារ៉ាឌី ចូលរួមនាពេលនេះកាន់តែធ្វើឲ្យប្រជាប្រិយភាពរបស់នាងហក់ឡើងមួយកម្រិតថែមទាំង។ មិនតែប៉ុណ្ណោះត្រូវបានអ្នកគាំទ្រយល់ថាទង្វើរបស់ ម៉ារ៉ាឌី គឺជាបច្ច័យដ៏ល្អផងដែរ ដែលនាំជាគំរូសម្រាប់បវរកញ្ញាឬអ្នកសិល្បៈរួមជំនាន់ជាមួយនាងក្នុងពេលបច្ចុប្បន្ននេះ។

សកម្មភាពរបស់បវរកញ្ញាចក្រវាលកម្ពុជាកញ្ញា ងិន ម៉ារ៉ាឌី ដែលបានចាប់ផ្តើមឡើងនោះគឺតាមរយៈនៃការចុះទៅសួរសុខទុក្ខនិងចែករំលែកក្តីស្រលាញ់ដ ល់ក្មេងសិស្សសាលានៃតំបន់មួយនាទឹកដីខេត្តកំពង់ធំ។ អំឡុងពេលចូលរួមនេះគេឃើញកញ្ញាងិនម៉ារ៉ាឌី ក្រៅតែបង្ហាញពីអារម្មណ៍រំភើបនាងក៏ផ្តាំផ្ញើរឲ្យប្អូនៗខិតខំរៀនដើម្បីក្រេបយកចំណេះវិជ្ជា។

កញ្ញា ងិន ម៉ារ៉ាឌី បានបញ្ជាក់ប្រាប់ឲ្យដឹងដែរថា កាលពីថ្ងៃទី២៤ ខែកុម្ភៈ កន្លងទៅនេះនាងបានធ្វើ ដំណើរនៅសាលាបឋមសិក្សាអូរចកនៅ ស្រុកស្ទោង ខេត្តកំពង់ធំ ដើម្បីនាំយកអំណោយសប្បុរសជននិងសម្ភារៈសិក្សាទៅចែកជូនដល់សិស្សនៅទី នោះ។

សូមជម្រាបថា បវរកញ្ញាកម្ពុជាកញ្ញា ងិន ម៉ារ៉ាឌី គឺ ជាម្ចាស់ម្កុដMiss Universe Cambodia 2021ខណៈកន្លងទៅនាងក៏តំណាងឲ្យកម្ពុជាទៅចូលរួមប្រកួតក្នុងកម្មវិធីMiss Universeលើកទី៧០ ឆ្នាំ២០២១នៅប្រទេសអ៊ីស្រាអែល៕

ដោយ ៖ ចាន់រ៉ា