ជីវិតកម្សាន្ដ

Bella ឆ្លើយទាំងធូរចិត្ត ក្រោយអ្នកសារព័ត៌មានជជីកសួរម្ដងទៀត រឿងអតីតមិត្តប្រុស Weir (មានវីដេអូ)

បានផុស

៣ នាទី មុន

នៅ

ថ្ងៃអង្គារ ២៦ កក្កដា ២០២២

ដោយ

តារាសម្ដែងស្រីល្បីល្បាញ Bella ត្រូវអ្នកសារព័ត៌មានជជីកសួរម្ដងទៀតរឿងអតីតសង្សារ Weir តែនាងឆ្លើយយ៉ាងសប្បាយចិត្តថា នាងកំពុងតែដើរទៅមុខ ហើយសប្បាយចិត្តជាមួយនឹងបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចោទសួរពីរឿងអតីតមិត្តប្រុស Weir Sukolwat កើតឡើងបន្ទាប់ពី Bella Ranee បានចូលរួមក្នុងកម្មវិធី Gala Round នៃរឿង “បុព្វេសន្និវាស” វគ្គ២។ ថ្វីត្បិតតែទឹកមុខនាងឆ្លើយទាំងសប្បាយរីករាយក៏ដោយ តែគេគ្រប់គ្នានៅតែបារម្ភពី Bella ខណៈ Weir ទើបតែរៀបអាពាហ៍ពិពាហ៍យ៉ាងមានសុភមង្គល តែមហាជនជាច្រើននៅតែមានការព្រួយបារម្ភ និងផ្ដល់កម្លាំងចិត្តដល់នាងជានិច្ច។

បង្ហាញវត្តមាននៅពីមុខអ្នកកាសែតជាច្រើន Bella និយាយទាំងសប្បាយចិត្ត និងមានជំនឿចិត្តយ៉ាងខ្លាំងថា “ខ្ញុំមិនខ្វល់អំពីរឿងភាគជាបន្តបន្ទាប់ពីអ្នកណាទៀតឡើយ ព្រោះវាលែងមានន័យអ្វីទៀត។ ពេលនេះខ្ញុំកំពុងតែដើរទៅមុខ ហើយសប្បាយចិត្តជាមួយនឹងបច្ចុប្បន្ន។ អរគុណសម្រាប់រាល់ការលើកទឹកចិត្ត ពីអ្នកគាំទ្រ និងគ្រប់គ្នា។

តួឯកស្រីក្នុងរឿង “បុព្វេសន្និវាស” ក៏បន្ថែមទៀតទាំងញញឹមពព្រាយថា ”អ្នករាល់គ្នាមានរបៀបរស់នៅខុសគ្នា។ វាមិនសំខាន់សម្រាប់ពួកគេទៀតទេ។ សូមផ្ដោតលើបច្ចុប្បន្ន ហើយបន្តវាឥឡូវនេះ។ ខ្ញុំនៅតែមើលឃើញថា ស្នេហាជារឿងដ៏ស្រស់ស្អាត បើមានការស្រលាញ់ និងគាំទ្រគ្នាទៅវិញទៅមកគឺល្អ៕”

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ចុចអាន៖ផ្ទុះការរិះគន់មិនលួសថ្ងៃ រឿង “បុព្វេសន្និវាស” វគ្គ២ យកផ្ការំដួលដាក់លើ Poster

ចុចអាន៖ក្រោយប្រកាសខ្លួននៅលីវ Instagram របស់ Bella ជាប់ចំណាត់ថ្នាក់លេខ ២ បន្ទាប់ពី Lisa