រចនា រ៉ាវ៉ាឌី បង្វែរថ្ងៃខួបកំណើតមកធ្វើសកម្មភាពមនុស្សធម៌នៅមន្ទីរពេទ្យគន្ធបុប្ផា

ផ្ទុយស្រឡះពីតារាចម្រៀង និងសម្តែងប្រុស-ស្រីខ្មែរមួយចំនួនដែលភាគច្រើនឲ្យតែដល់ពេលវេលានៃឱកាសថ្ងៃខួបកំណើត គឺពួកគេតែងយកឱកាសមួយនេះដើម្បីរៀបចំពិធីជប់លៀងជួបជុំមិត្តភក្តិផឹកស៊ីសប្បាយក្នុងន័យអបអរថ្ងៃពិសេស។ ប៉ុន្តែបើងាកមកចាប់អារម្មណ៍តារាស្រីកញ្ញា រចនា រ៉ាវ៉ាឌី វិញ គឺនាងបែរជាឆ្លៀតយកឱកាសនេះចែករំ លែកក្តីស្រលាញ់ដ៏មន្ទីរពេទ្យសង្គ្រោះកុមារកម្ពុជាដ៏ធំមួយនេះ។

ជាក់ស្តែងឈានដល់ឱកាសថ្ងៃគម្រប់ខួបកំណើត មុននេះបន្តិចតារាស្រីកញ្ញ រចនា រ៉ាវ៉ាឌី បា​នបង្ហាញពីសកម្មភាពនៃការចុះចែករំលែកក្តីស្រលាញ់របស់ខ្លួនជូនដល់មន្ទីរពេទ្យគន្ធបុប្ផា។ សកម្មភាពនេះកំពុងទទួលបានការគាំទ្រ និងលើកសរសើរច្រើនពីមហាជនព្រោះនេះជាគំរូល្អសម្រាប់អ្នកសិល្បៈឯទៀត។

បង្ហោះសារភ្ជាប់ជាមួយរូបភាពជាច្រើនសន្លឹកតារាស្រីកញ្ញា រចនា រ៉ាវ៉ាឌី បានរៀបរាប់ថា ក្នុងថ្ងៃខួបកំណើតរបស់ខ្ញុំចង់ចែករំលែកក្តីស្រឡាញ់នឹងចង់សម្រាលទុក្ខលំបាកខ្លះសម្រាប់មន្ទីរពេទ្យដ៏អស្ចារ្យមួយនេះ។ ជាកន្លែងដែលជួយសង្គ្រោះសម្រាលទុក្ខលំបាកក្មេងៗខ្មែរទូទាំងប្រទេស។ មនុស្សយើងមិនអាចជ្រើសរើសកើតកន្លែងល្អបានតែយើងអាចជ្រើសធ្វើល្អបាន។

ទង្វើរនេះត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។ តាមរយ:នេះនាងក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើនបានដាក់ក្តីរំពឹងថា នាងនឹងបន្តធ្វើស​កម្មភាពមនុស្សធម៌នេះបន្ថែមទៀតដើម្បីក្លាយជាតារាគំរូល្អដល់តារាប្រុស-ស្រីដទៃទៀតដែលគួតែឆ្លៀតឱកាសឬពេលវេលាផ្ទាល់ខ្លួនរួមចំណែកការងារសង្គមនេះផងដែរ ៕

អត្ថបទ៖ ចាន់ ដារ៉ា