ជីវិតកម្សាន្ដ

បើកឆាកថ្ងៃដំបូង រឿង”បុព្វេសន្និវាស”វគ្គ ២ កើបលុយដល់ទៅខ្ទង់លានដុល្លារ

បានផុស

៣ years មុន

នៅ

ថ្ងៃសៅរ៍ ៣០ កក្កដា ២០២២

ដោយ

ផ្អែកតាមការវាយតម្លៃ បានបញ្ជាក់ថា រឿង “បុព្វេសន្និវាស” វគ្គ២ ត្រឹមតែមួយថ្ងៃដំបូងសោះ អាចរកចំណូលបានដល់ទៅ ៥១,១៩ លានបាត (១ លាន ៤ សែនដុល្លារ) ខណៈចំនួននេះ សរុបទូទាំងប្រទេសថៃប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ នៅថ្ងៃសម្ពោធចាក់បញ្ចាំងភាពយន្តបុរាណនេះ ក៏ទទួលបានសន្ទុះនៃការគាំទ្រភ្លូកទឹកភ្លូកដីពីសំណាកអ្នកគាំទ្រជាច្រើន។ ក្នុងនោះក៏មានការបញ្ចេញមតិថា សាច់រឿងល្អមើលខ្លាំង និងចង់ឲ្យឆាប់បញ្ចាំងភ្លាមៗថែមទៀត បន្ទាប់ពី រឿង “បុព្វេសន្និវាស” វគ្គ ២កាលពីលើកមុន បានពន្យារថ្ងៃចាក់បញ្ចាំងអស់រយៈពេលដ៏យូរ។

គួរបញ្ចាក់ថា រឿង “បុព្វេសន្និវាស” វគ្គ២ ជាខ្សែភាពយន្តរួមគ្នាដ៏ធំមួយរវាងផលិតកម្ម GDH និង Broadcast Thai Television ដឹកនាំដោយលោក Ping-Adisorn Trisirikasem ដែលនាំមកនូវនិន្នាការនៃភាពយន្តដ៏អស្ចារ្យសម្រាប់វណ្ណកម្មថ្មីនេះ។ ជាលទ្ធផល ថ្ងៃដំបូងនៃការបើកដំណើរការទូទាំងប្រទេស ចំណូលបានកើនដល់ខ្លាំង ហួសពីការរំពឹងទុក។

អ្វីដែលសំខាន់ អាចនិយាយបានថា ភាពយន្តដែលប្រិយមិត្តជាច្រើនទន្ទឹងរង់ចាំអស់ពេលជាយូរមកហើយ បាននឹងកំពុងវិលត្រលប់មកបង្កើតបាតុភូតស្នេហ៍ថ្មី ធ្វើឲ្យអ្នកគាំទ្រមិនខកបំណងនោះទេ។ ជាពិសេស សម្រាប់រឿង “បុព្វេសន្និវាស” វគ្គ២ នេះផងដែរ កំពុងតែមានវត្តមានចាក់បញ្ចាំងនៅតាមរោងកុននានា តាំងពីថ្ងៃ ទី ២៨ បន្ទាប់ពីថ្ងៃដំបូងនៃកម្មវិធី ហើយក៏ទទួលបានការឆ្លើយតបលើសពីការរំពឹងទុក និងការគាំទ្រដ៏ច្រើនលើសលប់ផងដែរ៕

សូមទស្សនាវីដេអូខាងក្រោម៖