ហេង សុទ្ធនិស្ស័យ បញ្ជាក់មូលហេតុមិនទៅប្រកួត Miss Eco International លើឆាកអន្តរជាតិ

បវរកញ្ញា ហេង សុទ្ធនិស្ស័យ ទោះបីជានាងមិនបានឈ្នះម្កុដ Miss Universe Cambodia 2022 ក៏ពិតមែន ប៉ុន្ដែនាងក៏ទទួលបានចំណាត់ថ្នាក់ជ័យលាភីរង១នៃ Miss Universe Cambodia ដែលទើបបញ្ចប់ការប្រកួតកាលពីថ្មីៗកន្លងទៅនេះ។

យ៉ាងណាក្តីបន្ទាប់ពីកម្មវិធីប្រកួតបានត្រូវបានបញ្ចប់ ស្រាប់តែមានដំណឹងដ៏រំភើបទៀតថាកញ្ញា ហេង សុទ្ធនិស្ស័យ គឺត្រូវបានជ្រើសរើសក្លាយជាស្រ្តីខ្មែរដំបូងតំណាងឱ្យកម្ពុជា ចេញទៅប្រកួត Miss ECO international 2022នៅប្រទេស​អេស្ស៊ីប។ ដំណឹងនេះបានធ្វើឲ្យអ្នកគាំទ្រសម្តែងការអបអរ និងជូនពរនាងគ្រប់គ្នា។

ប៉ុន្តែក្រោយពេលមានដំណឹងល្អនេះមិនបានប៉ុន្មានផង ស្រាប់តែឮព័ត៌មានថ្មីទៀតថា កញ្ញា ហេង សុទ្ធនិស្ស័យ បានសម្រេចបោះបង់ការចេញទៅប្រកួតលើឆាកអន្តរជាតិនេះវិញ ដោយដាក់ជំនួសជ័យលាភីរងទី៣ គឺកញ្ញា រតនា សុខាវត្តី ។ តាមរយ:ដំណឹងដែលថា ហេង សុទ្ធនិស្ស័យ បានបោះបង់ឱកាសចូលរួមប្រកួតលើឆាកអន្តរជាតិមួយនេះបានធ្វើឱ្យមហាជនផ្ទុះជាចម្ងល់និងសួរនាំគ្រប់គ្នា។

ជាការស្រាយចម្ងល់អ្នកគាំទ្រ និងមហាជនកញ្ញា ហេង សុទ្ធនិស្ស័យ ក៏បានធ្វើការឡាយវីដេអូនិយាយបកស្រាយប្រាប់ពីមូលហេតុដែលនាងសម្រេចចិត្តមិនទៅចូលរួមប្រកួត Miss ECO international 2022 ។ កញ្ញា ហេង សុទ្ធនិស្ស័យ បានធ្វើការបកស្រាយថា មូលហេតុដោយសារនាងគ្មានពេលគ្រប់គ្រាន់ ម្យ៉ាងទៀតពេលដែលប្រកួត MUC 2022 ចប់នាងក៏បាននិយាយជាមួយអ្នករៀបចំកម្មវិធីរួចហើយថា ដោយសារតែនាងចង់យកពេលវេលាហ្នឹង
ទៅផ្ដោតលើការងារផ្ទាល់ខ្លួនវិញ។

កញ្ញា ហេង សុទ្ធនិស្ស័យ និយាយបន្តថា ម្យ៉ាងទៀតទម្រាំតែដល់ពេលវេលាប្រកួតMiss ECOinternational 2022 ដែលពុំទាន់ដឹងច្បាស់ថា គេនឹងចាប់ផ្ដើមនៅពេលណានោះ អ៊ីចឹងនាងមិនអាចសន្យាថា នឹងអាចចូលរួមបានទេព្រោះតែមានធុរៈផ្ទាល់ខ្លួនដូច្នេះទើបនាងក៏បានផ្ដល់សិទ្ធិឱ្យកម្មវិធីធ្វើការផ្ទេរទៅកាន់បវរកញ្ញាផ្សេងទៀតដែលស័ក្តិសមទៅជំនួសនាងវិញចុះ ៕

អត្ថបទ៖ ចាន់រ៉ា