ជីវិតកម្សាន្ដ

មិនធ្វើឲ្យហ្វេនខកចិត្ត Pancake កាច់រាងលើកម្រាលព្រំក្រហម នៅកូរ៉េខាងត្បូង

បានផុស

៤ years មុន

នៅ

ថ្ងៃព្រហស្បតិ៍ ៦ តុលា ២០២២

ដោយ

Pancake ពិតជាមិនធ្វើឲ្យហ្វេនៗខកចិត្តបន្តិចឡើយ បន្ទាប់ពីនាងបានបង្ហាញខ្លួនជាមួយនឹងឈុតពណ៌ខ្មៅ ព្រមទាំងដើរម៉ូដលើកម្រាលព្រំក្រហម បង្កើតភាពទាក់ទាញនៅកូរ៉េខាងត្បូង។

ជាមួយគ្នានេះដែរ Pancake Khemanit ទើបតែលេចរូបភាពជាមួយតារាសម្ដែងស្រីៗ២រូបទៀត ដែលមកពីផលិតកម្មផ្សេងគ្នាមានដូចជា, Taew Nattaporn និង Aff Thaksorn ដើម្បីចូលរួមចូលរួមពិធីបើកមហោស្រពភាពយន្តអន្តរជាតិប៊ូសាន (BIFF) លើកទី២៧ នៅមជ្ឈមណ្ឌលភាពយន្តប៊ូសាន ក្នុងទីក្រុងប៊ូសាន ប្រទេសកូរ៉េខាងត្បូងដើម្បីសម្ពោធរឿង “Maya Pitsawong” ដែលអ្នកទាំងបីបានសម្ដែងរួមគ្នា។

យ៉ាងណាមិញ ក្នុងក្នុងពិធីនេះដែរ Pancake បានដើរតួជានាង Amara ដែលជាស្រ្តីរកស៊ីផ្លូវភេទលំដាប់ខ្ពស់ និងជាតួសម្ដែងក្នុងរឿង “Maya Pitsawong” ខណៈនាងស្លៀកឈុតដ៏ប្រណិត Poem បង្ហាញរាងដ៏ល្អឥតខ្ចោះ ក្នុងនាមតារាម៉ូដែល និងព្រមទាំងដើរលើកម្រាលព្រំក្រហម បញ្ចេញស្ទាយតាមសាច់រឿងថែមទៀត។

បន្ថែមពីនេះ តារាស្រីរូបនេះក៏មានភាពទាក់ទាញជាមួយនឹងគ្រឿងអលង្ការពី Cherish JewelDesign ម៉ូដសក់សមនឹងទម្រង់មុខយ៉ាងល្អឥតខ្ចោះ ជារូបរាងដ៏សាមញ្ញ ប៉ុន្តែមើលទៅស្អាត និងថ្លៃថ្លា។ ក្នុងនោះ Pancake ក៏ទទួលបានការសរសើរយ៉ាងច្រើនលើសលប់ ពីសំណាក់អ្នកគាំទ្រជាច្រើន និងភ្ញៀវដែលមកចូលរួមក្នុងកម្មវិធីមហោស្រពភាពយន្តអន្តរជាតិប៊ូសានផងដែរ។

គួរបញ្ជាក់ថារឿង “Maya Pitsawong” ក៏មានការចូលរួមសម្ដែងដោយតារាល្បីៗជាច្រើនដូចជា Mario Maurer, Pancake ,Taew, Aff, Boy Pakorn , Chaiyapol Julian Poupart, Jirawit Pongpaijit និង Sakrat Rerkthamrong ជាដើម៕

ប្រែសម្រួល៖ សាង ស្រីល័ក្ខ

ចុចអាន៖តារាថៃ ៣ រូប មកពីទ្រនំផ្សេងគ្នា ត្រៀមសម្ពោធរឿងតែមួយ នៅកូរ៉េខាងត្បូង

ចុចអាន៖អ្នកគាំទ្រសម្រុកយ៉ាងច្រើនកុះករ ជូនដំណើរបវរកញ្ញា Engfa ទៅប្រកួតនៅ ឥណ្ឌូណេស៊ី