មិនខ្វល់អ្នករិះគន់ Tono បន្តហ្វឹកហាត់ ត្រៀមហែលឆ្លងទន្លេមេគង្គ រៃអង្គាសថវិកាជួយមន្ទីរពេទ្យ

ទោះបីជាត្រូវប្រឈមមុខនឹងពាក្យរិះគន់យ៉ាងដំណំ នៅលើប្រព័ន្ធផ្សព្វផ្សាយសង្គម​ ចំពោះគម្រោងហែលឆ្លងទន្លេមេគង្គ ដើម្បីរៃអង្គាសថវិកាជួយមន្ទីរពេទ្យ ប៉ុន្តែ Tono Phakin មិនយកចិត្តទុកដាក់ឈឺក្បាលជាមួយឡើយ លោកនៅតែព្យាយាមហ្វឹកហាត់យ៉ាងសស្រាក់សស្រាំ មុនគម្រោងចាប់ផ្ដើមនៅថ្ងៃទី២២ ខែតុលា ឆ្នាំ២០២២ ឆាប់ៗខាងមុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីពេលថ្មីៗនេះ តារាចម្រៀង Tono Phakin រងការរិះគន់យ៉ាងខ្លាំង នៅក្នុងពិភពអនឡាញ ខណៈលោកប្រកាសត្រៀម​ហែល​ទឹក​ចម្ងាយ ១៥​គីឡូម៉ែត្រឆ្លង​ទន្លេ​មេគង្គ​ថៃ-ឡាវ ដើម្បី​រៃអង្គាស​ថវិកា​ទិញឧបករណ៍​ពេទ្យ​​ឲ្យ​មន្ទីរពេទ្យ​ថៃ-ឡាវ។ ទោះយ៉ាងណា តារាវ័យ ៣៦ឆ្នាំរូបនេះ មិនខ្វល់នោះទេ លោកនៅតែ​បន្ត​អនុវត្ត​គម្រោង​របស់ខ្លួន ដោយថ្ងៃនេះលោកបានបង្ហាញរូបថតហ្វឹកហាត់ហែលទឹក ចម្ងាយ ១,៦៥០ម៉ែត្រ។

លើសពីនេះលោកបង្ហោះសាររៀបរាប់ថា នៅសល់ ១៤ថ្ងៃទៀត សកម្មភាពមនុស្សធម៌ហែលឆ្លងទន្លេចម្ងាយ ១៥គីឡូម៉ែត្រ នឹងចាប់ផ្ដើម ហើយលោកកំពុងព្យាយាមហ្វឹកហាត់ឱ្យបានច្រើន។ ​លោកពិតជាសង្ឃឹមថា ប្រជាជនថៃ និងឡាវ នឹងជួយលើកចិត្តលោកបន្ថែមផងដែរ។

ក្រោយសារបង្ហោះត្រូវបានចែករំលែក អ្នកគាំទ្រ មិត្តភក្តិ និងសាធារណជន នាំគ្នាចូលទៅបញ្ចេញមតិលើកទឹកចិត្តដ៏លើសលប់ដល់ Tono ៕

ប្រែសម្រួល៖ សន្យា

ចុចអាន៖ Tono Phakin ត្រៀមហែលឆ្លងទន្លេមេគង្គ ជួយរៃអង្គាសថវិកា បែរជួបការរិះគន់យ៉ាងខ្លាំង

ចុចអាន៖ ចិត្តបុណ្យណាស់ Aum ទៅវត្តឧទ្ទិសកុសលជូនជនរងគ្រោះ ស្លាប់ក្នុងហេតុការណ៍សម្លាប់កុមារ