ជីវិតកម្សាន្ដ
វណ្ណា ឌី ដែលល្បីថតសារអប់រំកូវីដ១៩ គ្មានផ្ទះអាស្រ័យ ពេលនេះជួយធ្វើការក្នុងហាង ដើម្បីយកកន្លែងស្នាក់នៅ
លោក វណ្ណា ឌី ជាសិល្បករជើងចាស់ម្នាក់ធ្លាប់មានកេរ្តិ៍ឈ្មោះតាមរយ:ការថតស្ប៉តនិងភាពយន្តមួយចំនួន ហើយកំពុងល្បីល្បាញតាមរយៈការផ្សព្វផ្សាយពីកូវីដ១៩ ពេលនេះបានផ្ដើមវិលចូលសិល្បៈវិញ ក្រោយស្ថានភាពជំងឺបានធូរស្រាល តែពុំមានផ្ទះផ្ទាល់ខ្លួនស្នាក់អាស្រ័យឡើយ។
ក្រោយពីទទួលបានថវិកាឧបត្ថម្ភពីលោកជំទាវ ហ៊ុន ស៊ីណាត ប្អូនស្រីបង្កើតសម្ដេចអគ្គមហាសេនាបតីតេជោ ហ៊ុន សែន និងសមាគមមិត្តសិល្បករព្រមទាំងតារាសម្ដែងមួយចំនួនទៀតឲ្យព្យាបាលជំងឺដែលកំពុងញាំញីសុខភាព ពេលនេះលោក វណ្ណា ឌី បានជាសះស្បើយពីជំងឺហើយ ។ ក្រោយទទួលបានជំនួយនេះ លេាក វណ្ណាឌី បានលើកហត្ថាទាំងទ្វេប្រណមដើម្បីសុំថ្លែងអំណរគុណដល់សប្បុរសជនដែលជួយជីវិតលោកឲ្យរស់រានមានជីវិតនឹងបានចូលរួមប្រឡូកក្នុងវិស័យសិល្បៈឡើងវិញផងដែរ។
បច្ចុប្បន្ន លោក វណ្ណាឌី កំពុងឆក់បានឱកាសចូលរួមសម្តែងម្តងម្កាល និងកំពុងថតភាពយន្តឲ្យផលិតកម្មរតនា ដែលដើរតួជាឪពុកក្នុងរឿង “គំនុំឈាមឪពុក” ។ លោកបង្ហើបឲ្យដឹងដែរថា កន្លងមកខ្លួនបានថតរឿងបានច្រើនគួរសមឲ្យប៉ុស្តិ៍ PNN និង CTN។
លោកបានរៀបរាប់ឲ្យដឹងថាក្រោយពីផ្ទុះជំងឺកូវីដ១៩ លោកបាត់បង់ប្រាក់ចំណូលអស់រលីង ដោយរកលុយជួលផ្ទះនៅពុំបានឡើយ។ សព្វថ្ងៃកំពុងស្នាក់អាស្រ័យនៅភោជនីយដ្ឋាន (ផ្ទះលោកឪ) ដោយលក់គុយទាវ បាយ និងគ្រឿងក្លែម ផ្សេងៗ។ ពេលទំនេរពីការថតលោកបានជួយធ្វើការក្នុងហាងឲ្យ ដើម្បីយកកន្លែងស្នាក់នៅ។
គួររំលឹកឲ្យដឹងថា លោក វណ្ណា ឌី ជាសិល្បករមួយរូបធ្លាប់ហាត់រៀនប្រពៃណីនៅសាលាវិចិត្រសិល្បៈជាង ២ ឆ្នាំ។ក្រោយមកលោកបានឈប់ពីការងារនេះ ដេាយទៅរៀបការប្រពន្ធទី១មានកូនបីនាក់៊។ បន្ទាប់ពីប្រពន្ធដើមស្លាប់ចោលទៅ លោកក៏រៀបការប្រពន្ធទី ២ បានកូន ហើយបានបែកបាក់គ្នាដោយសារការរស់នៅមិនចុះសម្រុងនឹងកូនប្រពន្ធចុង។លេាកប្រាប់ថា “ខ្ញុំត្រូវលែងលះគ្នាម្ដងទៀត រួចខ្ញុំបានមករស់នៅភ្នំពេញ ចៃដន្យក៏បានជួបនឹងនាយកុយតារាកំប្លែង ហើយលេាកបានណែនាំខ្ញុំចូលប្រឡូកក្នុងការថតឡើងវិញ។ ខ្ញុំបានចាប់ផ្ដើមថតស្ប៉តអប់រំមួយចំនួនផងដែរ ហេីយចាប់ផ្តើមមានឈ្មេាះរហូតមកដល់សព្វថ្ងៃ។”
លោកបញ្ជាក់ចុងក្រោយថា “ពេលនេះខ្ញុំសង្ឃឹមលេីសិល្បៈសិន បើសិនជាទៅថ្ងៃមុខជីវិតរបស់ខ្ញុំគ្មានអ្វីពឹងទេ ប្រហែលជាត្រូវរំពឹទីវត្តអារាមហើយ ព្រោះពេលនេះប្រពន្ធក៏គ្មាន កូនក៏គ្មានដែរ។”
អត្ថបទ៖ រុងរឿង
ចុចអាន៖ កវីនិពន្ធ យឹម តាស្រង់ ដាក់ប៉ុន្មានឃ្លានេះធ្វើឲ្យអ្នកគាំទ្រភ្លឺភ្នែកគ្រប់គ្នា
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល