ភាពយន្តដំបូងរបស់ Jennie មិនទទួលបានការគាំទ្រ ​តែអ្នកដឹកនាំរឿងពោលសរសើរនាងពេញមាត់់

ខ្សែភាពយន្ដ “The Idol” ដែលជាភាពយន្តដំបូងបំផុតរបស់ Jennie សមាជិកក្រុម BLACKPINK ហាក់មិនសូវទទួលបានការគាំទ្រពីទស្សនិកជនឡើយ ថែមទាំងរងនូវពាក្យរិះគន់មួយចំនួន ប៉ុន្តែអ្នកដឹកនាំរឿងនេះ បែរជាពោលសរសើរនាងមិនដាច់ពីមាត់។

ចំពោះការសម្ដែងដំបូងរបស់ ​Jennie នៅក្នុងភាពយន្តភាគរឿង “The Idol” របស់ទូរទស្សន៍ HBO មិនបានធ្វើឱ្យប្រជាប្រិយភាពរបស់នាងហក់ឡើងជាងមុនឡើយ ព្រោះបើតាមការស្ទង់មតិ ភាពយន្តនេះពុំសូវមានសន្ទុះនៃការគាំទ្រពីទស្សនិកជន។

យ៉ាងណាមិញ ​ចំពោះលោក Sam Levinson ដែលជាអ្នកដឹកនាំរឿង និងជាផលិតករផងនោះបានបង្ហាញចំណាប់អារម្មណ៍លើការសម្ដែងដំបូងរបស់ Jennie ហើយបានពោលសរសើរនាងយ៉ាងខ្លាំង។ តាមរយៈបទសម្ភាសន៍ជាទស្សនាវដ្ដី ELLE លោក Sam Levinson បាននិយាយថា ការសម្ដែងរបស់ Jennie ពិតជាទទួលបានលទ្ធផលល្អលើសការរំពឹងទុក ថ្វីត្បិតនាងទើបប្រឡូកក្នុងវិស័យភាពយន្ត ប៉ុន្តែតារាស្រី​រូប​នេះ​មានសមត្ថភាពពេញប្រៀប គោរពតួនាទី និង​ឧស្សាហ៍​ព្យាយាមខ្លាំងទៀតផង។

បពេលនេះទោះបីជាទស្សនិកជនមួយចំនួនមិនបង្ហាញការគាំទ្រយ៉ាងណាក្ដី ប៉ុន្តែចំពោះ BLINKs នៅតែសរសើរចំពោះជំនាញវិជ្ជាជីវៈ និងការខិតខំប្រឹងប្រែងរបស់ Jennie ហើយពួកគេរំពឹងថា ឆាប់ៗនេះពិភពលោកនឹងអាចឃើញ Jennie សមាជិកក្រុម BLACKPINK លេចមុខក្នុងភាពយន្តមួយទៀតមិនខាន៕

ប្រែសម្រួល៖ សន្យា

ចុចអាន៖ Jennie សម្ដែងជាតួអង្គស្រឡាញ់ភេទដូចគ្នា ក្នុងភាពយន្តហូលីវូដដំបូងរបស់ខ្លួន