Connect with us

ជីវិតកម្សាន្ដ

ពេជ្រ សោភា ពន្យល់ពាក្យ ៣ ប្រយោគ ទៅកាន់អ្នកគាំទ្រ និង​បញ្ជាក់​ថា នាង និង សក្កដា នៅផ្ទះរៀងខ្លួន

បានផុស

នៅ

តារា​ចម្រៀង​អ្នកនាង ពេជ្រ សោភា ដែល​ទើប​រៀបចំ​ពិធី​ភ្ជាប់​ពាក្យ​កាលពី​ថ្មីៗ​នេះ​ជាមួយ​តារា​សម្ដែង​រូប​សង្ហា​លោក ឆឹម សក្កដា បង្ក​ការ​ភ្ញាក់ផ្អើល​ដល់​អ្នកគាំទ្រ​ជុំវិញ​សម្ព័ន្ធ​ស្នេហា​ពួកគេ​ដែល​សាង​ឡើង​ច្រើន​ឆ្នាំ​នោះ ពេលនេះ​ស្រាប់តែ​ចេញ​មក​ពន្យល់​នូវ​ពាក្យ ៣ ប្រយោគ មហាជន​ភាគ​ច្រើន​ប្រើ​ខុស​ន័យ ឬ​ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះ​ពាក្យ​ទាំង ៣ ប្រយោគ ដែល​កំពូល​តារា​ចម្រៀង​អ្នកនាង ពេជ្រ សោភា លើក​យក​មក​ពន្យល់​ដល់​អ្នកគាំទ្រ​នោះ​គឺ ១.​សង្សារ ,២.​គូ​ដណ្ដឹង និង​៣.​ប្ដី​ប្រពន្ធ។ ត្រង់​ចំណុច​នេះ អ្នកនាង ពេជ្រ សោភា បាន​បកស្រាយ​ថា «ក្នុងនាម​នាង​ខ្ញុំ​ជា​មនុស្ស​មហាជន សុំ​និយាយ​បន្តិច​ចុះ រាល់ថ្ងៃ​នេះ​យើង​ប្រើ​ពាក្យ​ខុស​ច្រើន​ណាស់ (១.សង្សារ ២.​គូ​ដណ្ដឹង ៣.​ប្ដី​ប្រពន្ធ) ពេល​គេ​មាន​គូ​ដណ្ដឹង​មិនមែន​គេ​ប្រើ​ពាក្យ​ថា​មាន​ប្ដី​ទេ រៀន​យល់​ន័យ​បន្តិច ពាក្យ​ថា​ប្ដី ទាល់តែ​រៀបការ​រួច​យល់​ទេ​?។

តារា​ចម្រៀង ពេជ្រ សោភា បាន​និយាយ​ទៀត​ថា យើង​គួរ​រៀន​ប្រើ​ពាក្យ​ឲ្យ​សក្ដិសម​នឹង​ប្រពៃណី​ខ្មែរ កុំ​ចេះ​តែ​ប្រើ​ពាក្យ​ផ្ដេសផ្ដាស (ខ្ញុំ និង ដា រាល់ថ្ងៃ​នៅផ្ទះ​រៀងខ្លួន​)។

បន្ទាប់ពី​មាន​ការ​លើក​ឡើង​ដូច្នេះ​ពី​សំណាក់​អ្នកនាង ពេជ្រ សោភា គេ​ក៏​ឃើញ​លោក ឆឹម សក្កដា ដែល​ជា​គូ​ដណ្ដឹង​បញ្ជាក់​ដែរ​ថា ពាក្យ​ប្ដី​ប្រពន្ធ​គេ​ប្រើ​សម្រាប់​តែ​ពេល​គេ​រៀបការ​រួចហើយ​តែប៉ុណ្ណោះ​។

តារា​ប្រុស​លោក ឆឹម សក្កដា បាន​បញ្ចេញ​សារ​ហាក់​មាន​ចេតនា​ដាស់តឿន​ទៅកាន់​មនុស្ស​ប្រុស​បែប​នេះ​ថា «ផ្ដាំ​ទៅ​ប្រុសៗ​គ្នា​យើង បើ​យើង​ស្រឡាញ់​គេ ចង់បាន​គេ​ជា​គូ យើង​ត្រូវ​ថែរក្សា​តម្លៃ​ឲ្យ​មនុស្ស​ស្រី! ពាក្យ​ប្ដី​ប្រពន្ធ​គេ​ប្រើ​សម្រាប់​តែ​ពេល​គេ​រៀបការ​រួចហើយ​តែប៉ុណ្ណោះ។ ដូចនេះ កុំអាល​ហៅ​ខ្ញុំ​ប្ដី​អ្នកនេះ​ប្ដី​អ្នកនោះ​អី បើ​មិត្តភ័ក្ដិ ok»។

គួរ​រម្លឹក​ថា ពិធី​ភ្ជាប់​ពាក្យ​ដោយ​បើកចំហ ដោយ​មាន​ការ​ចូលរួម​ដឹងឮ​ពី​ចាស់ទុំ​ទាំងសងខាង និង​មិត្តភ័ក្ដិ​សិល្បៈ​រួម​អាជីព រវាង​គូស្នេហ៍​អ្នកនាង ពេជ្រ សោភា និង​លោក ឆឹម សក្កដា បាន​ប្រព្រឹត្ត​ធ្វើ​ឡើង​កាលពី​ថ្ងៃ​ទី ១១ ខែ​វិច្ឆិកា ឆ្នាំ ២០២២។ ខណៈ​មាន​អ្នកគាំទ្រ​ជាច្រើន​បាន​សម្ដែង​ការ​ចូលរួម​អបអរ និង​ជូនពរ​គ្រប់គ្នា៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១ ម៉ោង មុន

ក្មេងទំនើង ៨នាក់ ជិះម៉ូតូលឿនដូចហោះ រេចុះឡើង តាមផ្លូវសាធារណៈ ត្រូកម្លាំងនគរបាលក្រុងសិរីសោភ័ណឃាត់ខ្លួន

សន្តិសុខសង្គម២ ម៉ោង មុន

ឃាត់ខ្លួនក្មេងទំនើង ៩នាក់ ក្រោយកាន់អាវុធបម្រុងវាយប្រហារគ្នា

KPT+២ ម៉ោង មុន

ឆាប់ដូរភ្លាម បើរាល់ថ្ងៃប្រើលេខកូដទាំងនេះ ជាមួយកុងធនាគារ ប្រយ័ត្នគេលួចលុយខ្ទេច

ព័ត៌មានជាតិ៣ ម៉ោង មុន

លោកជំទាវ ពេជ ចន្ទមុនី៖ ការធ្វើវិបសនា នៅក្នុងបរិវេណប្រាសាទអង្គរវត្ត គឺដើម្បីសុំសេចក្តីសុខ ដល់ប្រទេសជាតិ និងប្រជាជន

ព័ត៌មានអន្ដរជាតិ៣ ម៉ោង មុន

ចិន ជោគជ័យចុះចតយានអវកាសនៅចុងឋានព្រះចន្ទ ដើម្បីយកសំណាកមកផែនដីវិញ

Sokha Hotels

ព័ត៌មានពេញនិយម