ជីវិតកម្សាន្ដ

ដាំ សុភ័ក្រ្តស៊ីនឌី ឈ្នះមកុដលំដាប់រងទី៣ និងដណ្ដើមបានពានចំនួន៤

បានផុស

២ years មុន

នៅ

ថ្ងៃចន្ទ ២៨ វិច្ឆិកា ២០២២

ដោយ

អ្នកគាំទ្របង្ហាញក្តីរំភើប និងចូលរួមអបអរចំពោះបវរកញ្ញាតំណាងឲ្យកម្ពុជា គឺកញ្ញា ដាំ សុភ័ក្រ្តស៊ីនឌី ដែលទទួលបានជ័យលាភីលំដាប់រងទី៣នៃ Miss Glamour Look International ឆ្នាំ២០២២ ព្រមទាំងអាចដណ្ដើមបានពានរង្វាន់ចំនួន៤ថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់នៅក្នុងវគ្គផ្ដាច់ព្រ័ត្រនៃការប្រកួចសម្រស់កញ្ញាឯក Miss Glamour Look Interna tionalឆ្នាំ២០២២ នាទឹកដីប្រទេសហ្វីលីពីនកាលពីយប់មិញកញ្ញា ដាំ សុភ័ក្រ្តស៊ីនឌី បានធ្វើឲ្យទស្សនិកជនមានការភ្ញាក់ផ្អើលគ្រប់គ្នាសម្រាប់បវរកញ្ញាកម្ពុជារូបនេះដែលសាងបានភាពលេចធ្លោជាថ្មីនៅលើឆាកអន្តរជាតិដែលស្រីស្អាតរូបនេះបានចេញទៅប្រកួតនៅឯឆាកអន្តរជាតិក្នុងប្រទេសហ្វីលីពីន អាចដណ្តើមដោយឈ្នះមកុដលំដាប់រងទី៣។

ចំពោះពានរង្វាន់ចំនួន៤ដែលបេក្ខភាពបវរកញ្ញាកម្ពុជាកញ្ញា ដាំ សុភ័ក្រ្តស៊ីនឌី ដណ្តើមបានពីការប្រកួតលើឆាកអន្តរជាតិនោះរួមមាន Miss RunWay, Bestin Resorts Wear Miss Elegance និង Pageantry Fanatics Queen។ ជ័យជំនះនេះបានធ្វើឲ្យមហាជន និងអ្នកគាំទ្រនៅកម្ពុជាសម្ដែងនូវអារម្មណ៍រំភើប និងបង្ហាញមោទកភាពខ្លាំងលើបវរកញ្ញាដ៏លេចធ្លោរូបនេះ។

សូមជម្រាបថា កាលពីយប់ថ្ងៃទី២៦ ខែវិច្ឆិកា ឆ្នាំ២០២២ កម្មវិធីប្រកួតសម្រស់កញ្ញាឯក Miss Glamour Look International ឆ្នាំ២០២២ ដែលបានរៀបចំឡើងនៅប្រទេសហ្វីលីពីនបានឈានដល់វគ្គផ្តាច់ព្រ័ត្រយ៉ាងរលូនដោយបានរកឃើញម្ចាស់មកុដ គឺបានទៅលើបេក្ខភាពបវរកញ្ញាប្រទេស Panama ជាអ្នកគ្រងម្កុដដ៏អស្ចារ្យមួយនេះ៕

អត្ថបទ៖ ចាន់រ៉ា