ជីវិតកម្សាន្ដ

មិនត្រឹមជាតារាសម្ដែងល្បី មិត្តប្រុស Baifern មានមុខជំនួញក្នុងដៃរកចំណូលរាប់លាន

បានផុស

២ years មុន

នៅ

ថ្ងៃសុក្រ ១៦ ធ្នូ ២០២២

ដោយ

តារាសម្ដែងកំពុងល្បីល្បាញ Nine Naphat មិនត្រឹមតែសង្ហាមួយមុខ តែលោកក៏មានជំនួញក្នុងដៃ ដែលអាចរកចំណូលបានរាប់លានក្នុងមួយឆ្នាំៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Naphat Siangsomboon ត្រូវបានគេចាត់ទុកថា ជាតារាសម្តែងឆ្នើមមួយរូបទៀតក្នុងអាជីពសិល្បៈ ខណៈតារារូបនេះត្រូវបានគេស្គាល់ជាទូទៅតាមរយៈការងារថតស្ពតពាណិជ្ជកម្មឲ្យ King Power និងបានចុះកុងត្រាធ្វើជាតារាសម្តែងនៅប៉ុស្តិ៍លេខ៣ ដែលនាពេលកន្លងមកការងាររបស់លោកមានជាបន្តបន្ទាប់ មិនថាជារឿងភាគទូរទស្សន៍ ភាពយន្ត ផ្សាយពាណិជ្ជកម្ម ចម្រៀង ឬសូម្បីតែការប្រគុំតន្ត្រីនោះទេ។

ក្រៅពីអាជីពក្នុងវិស័យសិល្បៈ តួឯកប្រុសក្នុងរឿង “friend zone” ក៏មានមុខជំនួញផ្ទាល់ខ្លួនផងដែរ ខណៈព័ត៌មានពីនាយកដ្ឋានអភិវឌ្ឍន៍អាជីវកម្ម ក្រសួងពាណិជ្ជកម្មបានរកឃើញថា Naphat បង្ហាញខ្លួនជានាយកក្រុមហ៊ុនចំនួន ១ ដែលអាចរកចំណូលចូលសឹងតែរាល់ឆ្នាំជាប់គ្នា។ ក្រុមហ៊ុន Born to be 9 Company Limited ត្រូវបានចុះបញ្ជីនៅថ្ងៃទី ២២ខែកក្កដា ឆ្នាំ ២០១០ ជាមួយនឹងឈ្មោះរបស់លោក Napat Siangsomboon បង្ហាញខ្លួនជាក្រុមប្រឹក្សាភិបាលម្នាក់ បើកអាជីវកម្មកម្សាន្តដែលមានដើមទុនចុះបញ្ជី ៣សែនបាត ជាមួយនឹងការអនុវត្តទូទៅ៕