ជីវិតកម្សាន្ដ

លោកតា សង់ស៊ីស រំភើបចិត្ត ក្រោយទទួលបានការលើកទឹកចិត្ត និងឧបត្ថម្ភពីសប្បុរសជន

បានផុស

៣ years មុន

នៅ

ថ្ងៃអង្គារ ២០ ធ្នូ ២០២២

ដោយ

តារាកំប្លែងជើងចាស់ល្បីឈ្មោះលោកតា សង់ស៊ីស ថ្វីត្បិតបច្ចុប្បន្នគាត់វ័យជរា និងកំពុងមានជំងឺប្រចាំកាយផងនោះ តែលោកតាហាក់នៅនឹករលឹកដល់អាជីពសិល្បៈ។ ដោយសារបាត់បង់សមត្ថភាពសិល្បៈ ទើបពេលនេះលោកតា សង់ស៊ីស បានឃ្លាតឆ្ងាយពីអាជីពមួយនេះទាំងស្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាគេនៅតែឃើញអ្នកគាំទ្រ និងមហាជនមួយចំនួនធំ បានបង្ហាញការនឹករលឹកចំពោះវីរសិល្បករដ៏ឆ្នើមលោកតា សង់ស៊ីស ខណៈមានសប្បុរសជនឯទៀតបន្តការផ្ដល់ជាថវិកា ឬជំនួយសម្រាប់តារាជើងចាស់លោកតា សង់ស៊ីស ដើម្បីលើកទឹកចិត្ត និងជួយសម្រួលដល់ជីវភាព ឬថ្នាំពេទ្យជាដើម។

ជាក់ស្ដែងថ្មីៗនេះ តារាកំប្លែងនាយ សង់ស៊ីស ក៏ទទួលបានការឧបត្ថម្ភថវិកាមួយចំនួនទៀតតាមរយៈអ្នកនាង កាឆយ ដែលជាកូនស្រីបង្កើតផងដែរ។

អ្នកនាង កាឆយ បានរៀបរាប់ដោយអារម្មណ៍បែបនេះថា ពេលដែលបានលុយបងប្អូនឧបត្ថម្ភម្តងៗពុកខ្ញុំសប្បាយចិត្តណាស់ ទទួលហើយឲ្យពរ តែកូនស្ដាប់អត់បានសោះ មានតែកូនជូនពរជំនួសគាត់ អាណិតពុកណាស់ ចាស់ច្រើនហើយ។ សូមឲ្យពុកសុខភាពល្អ អាយុវែងណាពុកណា អរគុណដល់បងប្អូនដែលមិនភ្លេចដល់គ្រួសារមួយនេះ , អរគុណលោកជំទាវ ហឹង ណារី វ៉ាថន ឧបត្ថម្ភ ២០០ ដុល្លារ។

លោកតា សង់ស៊ីស គឺជាតារាកំប្លែងមួយរូបមានឈ្មោះបោះសំឡេងយ៉ាងខ្លាំងកាលដែលលោកនៅមានសមត្ថភាពកំប្លែង និងសម្ដែងលើវិថីសិល្បៈ។ ប៉ុន្តែក្រោយមក លោកតា សង់ស៊ីស ក៏បានធ្លាក់ខ្លួនឈឺរហូតបាត់បង់សមត្ថភាពលើវិស័យសិល្បៈមានរយៈពេលប៉ុន្មានឆ្នាំចុងក្រោយនេះ។ លោកតា សង់ស៊ីស ក៏ជាសិល្បករខ្មែរម្នាក់ដែលបានធ្វើឲ្យប្រជាជនរាប់លាននាក់មានស្នាមញញឹមតាមរយៈទេពកោសល្យកំប្លែងរបស់គាត់នាពេលកន្លងមក៕

អត្ថបទ ៖ ចាន់រ៉ា

Related Topics:តារាខ្មែរ លោកតា សង់ស៊ីស

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា