អ្នកលេងអ៊ីនធឺណិតវែកញែកព្រាត ក្រោយ Kwan វិលមកទ្រនំចាស់ប៉ុស្តិ៍លេខ ៧ វិញ

ជារឿងមួយ​ដ៏គួរ​ភ្ញាក់ផ្អើល​ បន្ទាប់​ពី​ប៉ុស្តិ៍​លេខ ៧ ថៃបង្ហាញមុខតារាស្រីថ្មីដែលចុះកុងត្រានោះគឺ​ Kwan Usamanee អតីតតួស្រីដែលធ្លាប់ប្រកាសថា នាង​នឹងទទួលបទពិសោធន៍ឯករាជ្យក្នុងអាជីពសិល្បៈវិញ។

​ទន្ទឹមនោះ ប៉ុស្តិ៍​លេខ ៧ បាន​សរសេរ​ខេបសិន​យ៉ាង​កក់ក្ដៅ​ថា “ស្វាគមន៍​ការ​ត្រលប់មកវិញ​របស់ ‘Kwan’ បាន​ចុះ​កុងត្រា​ជាមួយ​ប៉ុស្តិ៍លេខ 7HD ត្រៀម​ចេញ​ថត​រឿង​ភាគ​សម្រាប់​ប្រិយមិត្ត ជួបគ្នា​ឆាប់ៗ​នេះ”។

ដោយឡែកងាកទៅបណ្ដាញសង្គមឯណោះវិញ​ អ្នក​លេង​អ៊ីនធឺណិត​ជាច្រើន​បាន​ចូល​ទៅ​បញ្ចេញ​មតិ​ហើយ​វិភាគថា ហេតុអ្វី Kwan សម្រេចចិត្តត្រឡប់ទៅ​ផ្ទះ​ចាស់? ចុះ​រឿង​ដែល​បាន​សម្ដែង​ជាមួយ MONO29 វិញ ​ហើយ​នៅ​តែ​ថត ឬ​ផ្លាស់​ប្ដូរ​តួ​សម្ដែង? អ្នកខ្លះថែមទាំងនិយាយជួស Kwan ថានាងធ្លាប់​និយាយ​ថា​នាង​ស្រលាញ់​ប៉ុស្តិ៍​លេខ​៧​ខ្លាំង​ណាស់​ខណៈមហាជនមួយចំនួនបានបញ្ចេញមតិផ្សេងទៀតថា នៅពេលដែលកន្លែង​ចាស់ស្វាគមន៍អ្នកត្រឡប់មកវិញ ដំបូង​យើង​គិត​ថា​វា​ជា​បណ្ដោះអាសន្ន។ ប៉ុន្តែ​លើក​នេះ​ក៏​ត្រលប់​មក​ចុះ​កុងត្រា​វិញ​ដែរ ចាំ​មើល​រឿង Kwan ​សម្ដែង​ជាមួយ​តួ​ឯក​ទេ​ឬយ៉ាងណា។ ឥឡូវ​នេះ​មានតារាឯករាជ្យជាច្រើន ហានិភ័យកាន់តែច្រើន ក្រុមហ៊ុន​ផលិត និង​បណ្ដាញ​កាន់​តែច្រើននៅ​តែ​ដដែល។ បើ​អ្នក​ចង់​មាន​ភាព​ឯករាជ្យ អ្នក​ត្រូវ​តែ​មាន​ជំនាញ​ច្បាស់លាស់ដែរ។

សូមរម្លឹកដែរថា កាលពីប៉ុន្មានឆ្នាំមុន Kwan Usamanee បានធ្វើការបានសម្រេចចិត្តដើរចេញពីប៉ុស្តិ៍លេខ ៧ ក្រោយៗមកទៀត នាងក៏ធ្វើការ Live វីដេអូនៅក្នុងប្រព័ន្ធ Youtube ជាលើកដំបូងថា ថ្ងៃណាមួយនាងនឹងវិលមកទ្រនំចាស់វិញជាក់ជាមិនខានឡើយ៕

ប្រែសម្រួល៖ សាង ស្រីល័ក្ខ

ចុចអាន៖៣០ ឆ្នាំកន្លងផុត តារាស្រីថៃ ២ ដួង នៅតែជាមិត្តជិតស្និទ្ធតាំងពីចូលសិល្បៈដំបូង

ចុចអាន៖Bella Ranee រំលេចខ្លួនក្នុងឈុតបារាំង អបអរថ្ងៃកំណើត ជាមួយអ្នកគាំទ្រ