មិនខ្ចីបកស្រាយមូលហេតុដាច់ចំណងស្នេហ៍ ៥ឆ្នាំ Aum បង្ហោះរូបលេង ធ្វើមិនដឹង

បន្ទាប់ហាយសូរ Pok បញ្ជាក់ពីការបញ្ចប់ចំណងស្នេហ៍រយៈពេល ៥ឆ្នាំជាមួយកំពូលតារាស្រី Aum Patchrapa ខាងស្រីឯណោះវិញហាក់មិនបកស្រាយអ្វីសោះ ហើយនាងបែរជាទៅបង្ហោះរូបលេងធ្វើមិនដឹង ដូចគ្មានអ្វីកើតឡើង។

អ្នកជំនួញវ័យក្មេង Pok បានចេញមុខបញ្ជាក់ពីស្ថានភាពទំនាក់ទំនងជាមួយអតីតមិត្តស្រី Aum តាមរយៈ IG ផ្ទាល់ខ្លួនរបស់លោកថា អ្នកទាំងពីរបានចែកផ្លូវគ្នាជាផ្លូវការ​ ហើយពុំមានអ្នកទី៣អ្វីមកជ្រៀតជ្រែកចំណងស្នេហ៍ពួកគេឡើយ ដោយការបែកគ្នានេះ គឺដោយសារមូលហេតុរៀងខ្លួនរវាងអ្នកទាំងពីរតែប៉ុណ្ណោះ។

ស្របពេលដែលលមហាជនមួយចំនួនចេះតែទាញអ្នកនេះអ្នកនោះចូលមកក្នុងរឿងបែកគ្នារវាង Aum និង Pok ជនដែលពាក់ព័ន្ធបានចេញមុខជាបន្តបន្ទាប់ ដើម្បីបកស្រាយថា ពួកគេមិនទាក់ទងអ្វីទាំងអស់។ ទន្ទឹមគ្នាដែរទស្សនិកជនជាច្រើនកំពុងរង់ចាំស្ដាប់ហេតុផលពី Aum ដូចគ្នា ថាតើអ្វីជាដើមចមពិតប្រាកដ ព្រោះកន្លងមក មិនធ្លាប់លេចឮព័ត៌មានជម្លោះរវាងនាង និងអតីតគូស្នេហ៍សូម្បីម្ដង។

ទោះបីជាទស្សនិកជនអន្ទះសាររង់ចាំចម្លើយយ៉ាងណាក្ដី Aum ហាក់មិនខ្វល់ឆ្លើយតបទៅនឹងចម្ងល់របស់ទស្សនិកជនឡើយ ដោយនៅល្ងាចថ្ងៃទី ០៥ ខែមករា ឆ្នាំ២០២៣ នេះ នាងបានបង្ហាញខ្លួននៅលើបណ្ដាញសង្គម និងបានបង្ហោះរូបចំនួន ២សន្លឹក។ ជាមួយគ្នាដែរតារាស្រីវ័យ ៤៤ឆ្នាំរូបនេះ សរសេរខេបសិនថា ទូរសព្ទរបស់នាងបានខូច ដូច្នេះរាល់ការទំនាក់ទំនងមានការពិបាក ហើយនាងក៏សុំអភ័យទោសចំពោះការតបយឺតយ៉ាវ ព្រោះនាងប្រើ iPad វា​មិន​ងាយ​ស្រួល​ក្នុង​ការ​លើក​និយាយនោះទេ៕

ប្រែសម្រួល៖ សន្យា

ចុចអាន៖ គេចោទសង្សារជាជនទី៣ ពេក មិត្តប្រុស Matt ចេញមុខទម្លាយសារមួយឃ្លា