ជីវិតកម្សាន្ដ

ក្រោយផ្ទុះចចាមអារ៉ាមជាស្រីស្នេហ៍ អ្នកជិតស្និទ្ធតារាស្រី Tan ចេញមកទម្លាយការពិត

បានផុស

២ years មុន

នៅ

ថ្ងៃអង្គារ ៣១ មករា ២០២៣

ដោយ

បន្ទាប់ពីផ្ទុះពាក្យចចាមអារ៉ាមថាពាក់ព័ន្ធនឹងស្វាមីរបស់ Chompoo Araya អ្នកជិតស្និតជាមួយតារាសម្ដែង Tan Thanatcha បានចេញមុខបដិសេធ និងព្រមានបុគ្គលបញ្ចេញមតិផ្ដេសផ្ដាសថា កុំចេះតែនិយាយដោយគ្មានភស្តុតាងច្បាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែទ្រាំមិនបាននឹងការបញ្ចេញមតិអាក្រក់ៗដោយភ្ជាប់រូប Tan Thanatcha ជាមួយគូស្នេហ៍ Knot Wisarut-Chompoo ពេលនេះប្រភពជិតស្និទ្ធតារាសម្ដែងរូបនេះ ស្រាប់តែទម្លាយពីទំនាក់ទំនងរបស់ស្វាមី Chompoo ឲ្យមនុស្សគ្រប់គ្នាបានដឹងថា “ខ្ញុំសូមប្រាប់អ្នកថា ក្នុងនាមជាអ្នកខាងក្នុង ខ្ញុំជាមនុស្សម្នាក់ក្នុងចំណោមអ្នកស្គាល់ស្វាមី Chompoo។ ខ្ញុំនឹងនិយាយថានេះគឺជារឿងមិនសមហេតុផលទាល់តែសោះ! គ្រប់យ៉ាងសុទ្ធតែគ្មានមូលដ្ឋានច្បាស់លាស់ តាមពិតនោះគឺគាត់ជាគ្រូបង្វឹកនៅក្នុងក្លឹបហាត់ប្រាណរបស់ស្វាមី Chompoo អ្នកអាចមើលឃើញថា គាត់តែងចុចឡាចលើរូបភាពនីមួយៗ គាត់ចូលចិត្តមនុស្សគ្រប់រូប និងតែងចុចលើគ្រប់រូបភាពទាំងអស់។ ដោយសារតែគាត់ជាចៅហ្វាយដ៏គួរឲ្យស្រឡាញ់ និងមើលថែទាំបុគ្គលិកទាំងអស់។ ក្នុងន័យនេះ សូមរំលឹកអ្នកនិយមលេងអ៊ីនធឺណិត ឲ្យចេះប្រើប្រព័ន្ធផ្សព្វផ្សាយសង្គមប្រុងប្រយ័ត្នបំផុត”។

ត្បិតថាមានការបកស្រាយពីប្រភពជិតស្និទ្ធក្ដី តែយ៉ាងណាបណ្ដាញអ៊ីនធឺណិតកំពុងសម្រុកជីកកកាយភាគីដែលពាក់ព័ន្ធទាំងអស់។ ជាពិសេសនោះគឺគ្រប់រូបភាពដែលតារាស្រី Tan Thanatcha បង្ហោះលើ IG ខណៈអ្នកជំនួញប្រាក់លាន Knot Wisarut តែងតែរីអែកជាបេះដូង ហាក់បង្ហាញពីការពេញចិត្តលើរូបនាងជាខ្លាំងផងដែរ៕