អ្នកគ្រូ ផេនស៊ី សម្រេចក្ដីស្រមៃ ក្លាយជាអ្នកដឹកនាំរឿង

ប្រិយមិត្តកម្ពុជាថ្មី ប្រាកដជាបានស្គាល់តារាកំប្លែងថៃ អ្នកគ្រូ ផេនស៊ី (Tukky Sudarat) ជាក់ជាមិនខាន។ តាមរយៈវីដេអូបង្រៀនភាសាអង់គ្លេសបែបកំប្លែង អ្នកគ្រូ ផេនស៊ី ទទួលបានកេរ្តិ៍ឈ្មោះល្បីល្បាញទូទាំងប្រទេស និងតំបន់អាស៊ី។

ក្រៅពីអាជីពជាតារាកំប្លែង អ្នកគ្រូ ផេនស៊ី ក៏មានទេពកោសល្យសិល្បៈផ្សេងទៀតដូចជា ចម្រៀង ពិធីការិនី និងសម្ដែងផងដែរ។ ឆ្លងកាត់វិថីសិល្បៈប្រមាណ ១៨ឆ្នាំ តាមពិត អ្នកគ្រូ ផេនស៊ី ពុំមានបំណងក្លាយជាតារាកំប្លែងល្បីនោះទេ ខណៈក្ដីស្រមៃតាំងពីតូចរបស់គាត់ គាត់ចង់ក្លាយជាអ្នកនាំរឿងមួយរូប ហើយពេលនេះ ក្ដីស្រមៃរបស់គាត់បានក្លាយជាការពិតហើយ។

យោងតាមសារបង្ហោះរបស់ អ្នកគ្រូ ផេនស៊ី នៅលើបណ្ដាញសង្គម Instagram ផ្ទាល់ខ្លួន គាត់ទម្លាយថា ក្ដីស្រមៃតាំងពីក្មេងៗ កំពុងសម្រេចបណ្ដើរៗហើយ ព្រោះពេលនេះគាត់កំពុងចាប់ផ្ដើមដឹកនាំភាពយន្ត ដែលជាការងារគាត់ស្រឡាញ់មកជាយូរ។ មិនត្រឹមតែដឹកនាំរឿងប៉ុណ្ណោះទេ អ្នកគ្រូ ផេនស៊ី ក៏ជាផលិករភាពយន្តថ្មី និងជាអ្នកសរសេរអត្ថបទភាពយន្តទៀតផង។ យ៉ាងណាមិញ រឿងថ្មីដែល អ្នកគ្រូ ផេនស៊ី កំពុងចាប់ផ្ដើមដឹកនាំ នៅមិនទាន់មានប្រិយមិត្តដឹងចំណងជើងនៅឡើយទេ៕

ប្រែសម្រួល៖ សន្យា

ចុចអាន៖ មហាជនសរសើរ Patricia ទោះកំពុងពពោះ នៅតែបំពេញតួនាទីភរិយាយ៉ាងល្អ

ចុចអាន៖ វ័យ ៤១ឆ្នាំដូចគ្នា Song Hye Kyo និង Jun Ji Hyun ឈរនៅលើតារាងតារាស៊ីថ្លៃខ្ពស់ជាងគេដូចគ្នា