ជីវិតកម្សាន្ដ

ម្ដាយ Matt បង្ហោះសារវែងអន្លាយលើកទឹកចិត្តកូនស្រី ក្រោយបែកបាក់ជាមួយ Songkran

បានផុស

៣ years មុន

នៅ

ថ្ងៃសុក្រ ២៨ មេសា ២០២៣

ដោយ

Sonya

ក្រោយពេលតារាស្រី Matt Peranee ចេញមុខបញ្ជាក់ការពិតពីការបែកបាក់គ្នាជាមួយមិត្តប្រុសហាយសូរ Songkran ជាផ្លូវការ ម្ដាយរបស់នាងបានចេញមកសរសេរសារយ៉ាងវែងអន្លាយ ដើម្បីលើកទឹកចិត្តកូនស្រី។

ស្របពេលដែលមហាជនកំពុងផ្ទុះមតិរិះគន់លើ Matt ធ្ងន់ៗ ជុំវិញការចែកផ្លូវជាមួយមិត្តប្រុសអភិជន ថានាងជាតារាស្រីប្ដូរមុខសង្សាររាប់មិនអស់ ម្ដាយរបស់នាងបានបង្ហោះសារមួយជូនមួយកូនស្រីតាមរយៈ Instagram ផ្ទាល់ខ្លួនរបស់គាត់។

ក្នុងខ្លឹមសារសរសេរថា “៣៤ឆ្នាំហើយ កូនស្រីតែម្នាក់របស់ ម៉ែនី។ ទាំងម្តាយនិងកូនយើងបានឆ្លងកាត់រឿងជាច្រើនជាមួយគ្នា រហូតដល់ម្តាយយល់យ៉ាងជ្រៅអំពីចិត្តកូន។ ស្នេហាអាចបង្កើតគ្រួសារដ៏មានសុភមង្គល និងអាចធ្វើឱ្យយើងហ៊ានធ្វើអ្វីគ្រប់យ៉ាងដើម្បីវា សូម្បីតែរឿងដែលយើងមិនធ្លាប់គិតពីមុនមកថា យើងនឹងអាចធ្វើបានក៏ដោយ។ ប៉ុន្តែវាមិនមែនជាអ្វីគ្រប់យ៉ាងនៃជីវិតយើងទេ។

កូនត្រូវចាំថា កូនគឺជាជាបេះដូង ថ្លើមប្រមាត់នៃម្តាយ…មិនថាកូនប្រឈមមុខនឹងស្ថានភាពបែបណានោះទេ យើងនឹងនៅជាមួយគ្នាដោយគ្មានលក្ខខណ្ឌ។ បន្តដំណើរទៅមុខជានិច្ចណា៎កូន ហើយអភិវឌ្ឍខ្លួនឯងគ្រប់ជំហាន។ ឧបសគ្គគឺជាឧបករណ៍របស់យើងឱ្យទៅមុខ។ ត្រូវចងចាំវា ហើយឆ្លងកាត់អ្វីៗគ្រប់យ៉ាងដោយសុភាពរាបសា។

ម៉ែប្រាថ្នាចង់ឱ្យកូន ត្រៀមខ្លួនដោយចិត្តទូលាយ និងប្រាជ្ញា។ រាងកាយ និងចិត្តដែលមានសុខភាពល្អ ត្រូវការក្ដីស្រឡាញ់ពីមនុស្សជុំវិញខ្លួន មិនមែនតែម្នាក់នោះទេ។ ម៉ែស្រឡាញ់កូនខ្លាំងបំផុត ពី Maenee” ។