ជីវិតកម្សាន្ដ
អេង ស្រីនូ សម្ញែងសម្រស់សិចស៊ី ធ្វើឲ្យមានមតិរិះគន់ និងសរសើរ
នេះពុំមែនជាលើកទី ១ ទេ ដែលបវរកញ្ញារូបស្រស់ កញ្ញា អេង ស្រីនូ បានធ្វើឲ្យអ្នកគាំទ្រមាន ការចាប់អារម្មណ៍ និងភ្ញាក់ផ្អើលគ្រប់គ្នា ខណៈតារាស្រីរូបនេះ តែងតែបង្ហោះរូបភាពជាច្រើនសន្លឹក សម្ញែងសាច់សខ្ចីលើបណ្ដាញសង្គមហ្វេសប៊ុកផ្ទាល់ខ្លួន បង្អួតភ្នែកមហាជន។
តួយ៉ាងបើយើងសង្កេតនៅលើគណនីហ្វេសប៊ុកផ្ទាល់ខ្លួនរបស់កញ្ញា អេង ស្រីនូ ជារឿយៗ នាងបានបង្ហោះភ្ជាប់រូបភាពសិចស៊ីជាបន្តបន្ទាប់ឲ្យមហាជន និងអ្នកគាំទ្របានឃើញផងដែរ។ ខណៈការបង្ហោះនោះ ក៏មានការសរសើរ និងរិះគន់ខ្លះៗដែរ។ ការបង្ហាញខ្លួនសម្ញែងរូបសម្រស់របស់កញ្ញា អេង ស្រីនូ កន្លងមក បានធ្វើឲ្យទស្សនិកជនមួយចំនួនចាប់អារម្មណ៍ទៅលើរូបរាងដ៏ស្រស់ស្រឡូនរបស់នាងថែមទៀត។
បវរកញ្ញា អេង ស្រីនូ បន្ទាប់ពីចូលប្រឡូកក្នុងវិស័យសិល្បៈគេសង្កេតឃើញថា ទាំងប្រជាប្រិយភាព និងសន្ទុះ នៃការគាំទ្រ ហាក់ហក់ឡើងមិនចាញ់តារារៀមច្បងនោះឡើយ។ មិនតែប៉ុណ្ណោះ រូបសម្ផស្សរបស់នាង ក៏ជាលទ្ធភាពក្នុងការទាក់ទងបុរសៗ ឲ្យលង់ស្នេហ៍ទៀតផង។
សូមរម្លឹកថា អតីតបេក្ខភាពប្រឡងកម្មវិធី Miss Grand Cambodia២០២២ កញ្ញា អេង ស្រីនូ នាអំឡុងពេលមួយរយៈចុងក្រោយនេះបានធ្វើឲ្យអ្នកគាំទ្រ និងប្រើប្រាស់បណ្ដាញសង្គមហ្វេសប៊ុកចាប់ផ្ដើមមានការចាប់អារម្មណ៍ខ្លាំងទៅលើជីវិតរស់នៅឯកជនរបស់នាងតាមរយៈការស្លៀកពាក់តុបតែងខ្លួនស៊ីវិល័យយ៉ាងស្រស់ស្អាត។
រឿងដែលគេកត់សម្គាល់ទៀតនោះ ស្រីនូ ក៏បានប្រែក្លាយមុខមាត់ថ្មីខុសប្លែកកាលកន្លងមក ដោយការនិយមស្លៀកពាក់បង្ហាញភាពសិចស៊ីថតបង្ហោះនៅលើបណ្ដាញសង្គមហ្វេសប៊ុក បង្អួតភ្នែកអ្នកគាំទ្រជាបន្តបន្ទាប់។ ត្រង់ចំណុចដ៏រសើបនេះ ក៏មានការបញ្ចេញទស្សនៈខុសគ្នាមួយចំនួនរបស់អ្នកគាំទ្រ ដោយខ្លះសរសើរលើរូបសម្ផស្សដ៏ស្រស់ស្រឡូនរបស់នាង ចំណែកខ្លះទៀតបានធ្វើការរិះគន់ថា ទង្វើនេះហាក់មិនសក្ដិសមទេ។
ឆ្លើយប្រាប់ កម្ពុជាថ្មី តាមទូរស័ព្ទពេលកន្លងមក ស្រីស្អាត អេង ស្រីនូ បាននិយាយថា ចំពោះបញ្ហានេះ នាងក៏ដឹងដែរថា នឹងរងការរិះគន់មិនពេញចិត្ត ប៉ុន្តែសម្រាប់ខ្លួននាងផ្ទាល់ គឺមិនដែលខ្វល់ទៅលើរឿងបែបនេះទេ (រិះគន់) ព្រោះថាយើងម្នាក់ មិនអាចទៅផ្គាប់ចិត្តតម្រូវតាមចិត្តមនុស្សមួយប្រទេសបានទេ៕
អត្ថបទ ៖ ចាន់រ៉ា
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ