ជីវិតកម្សាន្ដ

ស្រីស្អាត អេង ស្រីនូ ប្ដូរពីការស្លៀកពាក់សិចស៊ី មកគ្រងឈុតសម័យបុរាណ អារម្មណ៍រំភើបខ្លាំង

បានផុស

៣ years មុន

នៅ

ថ្ងៃចន្ទ ១០ មេសា ២០២៣

ដោយ

កន្លងមកធ្លាប់តែឃើញតារាម៉ូឌែល អេង ស្រីនូ ស្លៀកពាក់សិចស៊ីបែបនារីសម័យសម្ញែងនៅលើបណ្ដាញសង្គមជាបន្តបន្ទាប់ បង្កការចាប់អារម្មណ៍ដល់អ្នកគាំទ្រ ប៉ុន្តែអ្វីដែលប្លែកភ្នែកពេលនេះ គេឃើញស្រីស្អាត អេង ស្រីនូ បានប្តូរឥរិយាបថដោយការគ្រងឈុតសម័យបុរាណយ៉ាងទន់ភ្លន់ និងស្រស់ស្អាត ទាក់ភ្នែកមហាជន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា អេង ស្រីនូ បានប្រាប់កម្ពុជាថ្មីតាមបណ្ដាញសង្គមតេឡេក្រាមឲ្យដឹងថា នេះជាឈុតច្នៃប្រឌិតបែបស្រមើស្រមៃ បង្ហាញពីតថភាពមួយនាសម័យលង្វែក(ព្រះបរមរាជិនី វរភ័ក្របុទុមបុស្បា រាជវាំង ត្រឡែង កែងឆ្នាំ ១៥៦៥) ក្នុងរជ្ជកាលព្រះបាទចន្ទ័រាជា ព្រះរាជិនី គង់នៅក្នុងព្រះរាជដំណាក់ នារីរតន៍សោភា។

កញ្ញា អេង ស្រីនូ បាននិយាយទៀតថា “ជាធម្មតាខ្ញុំស្រលាញ់របៀបការស្លៀកពាក់បុរាណអញ្ចឹង ហើយពេលបានថតក្នុងទម្រង់បែបនេះ ខ្ញុំពិតជាមានអារម្មណ៍រំភើបរីករាយខ្លាំង”។ នាងបន្តថា ពេលយើងស្លៀកពាក់ឈុតបុរាណ ហើយនឹងសម័យ ព្រមទាំងឈុតកូនក្រមុំ មានអារម្មណ៍ខុសប្លែកដាច់ពីគ្នា ព្រោះពេលស្លៀកឈុតបុរាណអញ្ចឹងទៅ គឺមានអារម្មណ៍រំភើបខុសប្លែកពីមុនដែលយើងធ្លាប់តែស្លៀកពាក់បែបសម័យសិចស៊ី ឬជាឈុតកូនក្រមុំ។

សូមរម្លឹកថា អតីតបេក្ខភាពប្រឡងកម្មវិធី Miss Grand Cambodia២០២២ កញ្ញា អេង ស្រីនូ នាអំឡុង ពេលមួយរយៈចុងក្រោយនេះបានធ្វើឲ្យអ្នកគាំទ្រ និងប្រើប្រាស់បណ្ដាញសង្គមហ្វេសប៊ុក ចាប់ផ្ដើមមានការចាប់អារម្មណ៍ខ្លាំងទៅលើជីវិតរស់នៅឯកជនរបស់នាង តាមរយៈការស្លៀកពាក់តុបតែងខ្លួនស៊ីវិល័យយ៉ាងស្រស់ស្អាត។

រឿងដែលគេកត់សម្គាល់ទៀតនោះ ស្រីនូ ក៏បានប្រែក្លាយមុខមាត់ថ្មីខុសប្លែកកាលកន្លងមក ដោយការនិយមស្លៀកពាក់បង្ហាញភាពសិចស៊ីថតបង្ហោះនៅលើបណ្ដាញសង្គមហ្វេសប៊ុក បង្អួតភ្នែកអ្នកគាំទ្រជាបន្តបន្ទាប់។ ត្រង់ចំណុចដ៏រសើបនេះ ក៏មានការបញ្ចេញទស្សនៈខុសគ្នាមួយចំនួនរបស់អ្នកគាំទ្រ ដោយខ្លះសរសើរលើរូបសម្ផស្សដ៏ស្រស់ស្រឡូនរបស់នាង ចំណែកខ្លះទៀតបានធ្វើការរិះគន់ថា ទង្វើនេះហាក់មិនសក្ដិសមទេ។

ឆ្លើយប្រាប់កម្ពុជាថ្មីតាមទូរស័ព្ទពេលកន្លងមក ស្រីស្អាត អេង ស្រីនូ បាននិយាយថា ចំពោះបញ្ហានេះ នាងក៏ដឹងដែរថា នឹងរងការរិះគន់មិនពេញចិត្ត ប៉ុន្តែសម្រាប់ខ្លួននាងផ្ទាល់ មិនដែលខ្វល់ទៅលើរឿងបែបនេះទេ (រិះគន់) ព្រោះថា យើងម្នាក់មិនអាចទៅផ្គាប់ចិត្ត តម្រូវតាមចិត្តមនុស្សមួយប្រទេសបានទេ៕

អត្ថបទ ៖ ចាន់រ៉ា