ភស្តុតាងថ្មីបង្ហាញថា Rosé ពិតជាមានទំនាក់ទំនងស្នេហាជាមួយ Kang Dong Won

កាលពីខែមុន Rosé សមាជិកក្រុម BLACKPINK និងតារាសម្ដែង Kang Dong Won ធ្លាប់រងពាក្យចចាមអារ៉ាមថា ពួកគេមានទំនាក់ទំនងស្នេហាជាមួយគ្នា បន្ទាប់ពីគេថតរូបអ្នកទាំងពីរអង្គុយក្បែរគ្នាក្នុងពិធីជប់លៀងជាមួយអតីតនាយកប្រតិបត្តិ Burberry Riccardo Tisci ។

ក្រោយពាក្យចចាមអារ៉ាមបានចែកផ្សាយយ៉ាងផុសផុល សាមីខ្លួនបន្តរក្សាភាពស្ងៀមស្ងាត់ ខណៈផលិតកម្ម YG Entertainment បានចេញសេចក្តីថ្លែងការណ៍មួយថា ព័ត៌មានទាំងនោះជាព័ត៌មានក្លែងក្លាយ ហើយបានស្នើឱ្យអ្នកនិយមលេងអ៊ីនធឺរណិតបញ្ឈប់ការផ្សព្វផ្សាយ ព្រោះជាពាក្យចចាមអារ៉ាមគ្មានមូលដ្ឋានច្បាស់លាស់។

ទើបតែថ្មីៗនេះ អ្នកនិយមលេងអ៊ីនធឺរណិត ចាប់បានភស្តុតាងថ្មី ដែលបញ្ជាក់ថា ពាក្យចចាមអារ៉ាមពីមុន អាចជារឿងពិត។ ភស្តុតាងទាំងនោះរួមមាន ការចូលរួមក្នុងព្រឹត្តិការណ៍ដូចគ្នា និងនៅទីក្រុងតែមួយជាមួយគ្នារបស់ Rosé និង Kang Dong Won ។ មិនតែប៉ុណ្ណោះ គេរកឃើញថា ចំណូលចិត្តដើរលំហែររបស់តារាទាំងពីរមានភាពដូចគ្នាទាំងបរិយាកាស និងទីកន្លែងកម្សាន្ត។ ទស្សនិកជនថែមទាំងឃើញអ្នកទាំងពីប្រើខ្សែកដូចគ្នា ដែលគេសង្ស័យថា វាវត្ថុបញ្ចាំស្នេហ៍ផងដែរ។

យ៉ាងណាមិញ ចំពោះការណាត់ជួបរបស់ Rosé និង Kang Dong Won ជារឿងពិតឬយ៉ាងណា នៅមិនទាន់មានអ្នកធានា ១០០ភាគរយនោះទេ៕

ប្រែសម្រួល៖ សន្យា

ចុចអាន៖ Jungkook បង្ហើបថា ខ្លួននឹងចូលបំពេញកាតព្វកិច្ចយោធាឆាប់ៗ