ជីវិតកម្សាន្ដ

Engfa បង្ហោះរូបឈរក្បែរម៉ូតូ ត្រូវទស្សនិកជនសរសើរថាសង្ហា

បានផុស

៤ ខែ មុន

នៅ

ថ្ងៃព្រហស្បតិ៍ ១ មិថុនា ២០២៣

ដោយ

បវរកញ្ញា Engfa Waraha បានបង្ហោះរូបភាពក្នុងឈុតថ្មី ដោយស្លៀកសំលៀកបំពាក់កីឡាមិនស៊ិចស៊ីដូចរាល់ដង ខណៈទស្សនិកជនជាច្រើនចូលទៅបញ្ចេញមតិលើនាងព្រោងព្រាតថាសង្ហាខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនិយមលេងអ៊ីនធឺណិតមួយចំនួនបានបញ្ចេញមតិសម្ដែងការចាប់អារម្មណ៍ចំពោះការបង្ហាញខ្លួនរបស់អតីតម្ចាស់មកុដ Miss Grand Thailand 2022 នៅពេលនាងឈរក្បែរម៉ូតូធំថាជាបុរសសង្ហា។ មិនត្រឹមប៉ុណ្ណឹង សម្រស់របស់នាងបានបង្ហាញពីភាពទាក់ទាញកាន់តែខ្លាំង ជាពិសេសនៅឯប៉ែកទីផ្សារអឺរ៉ុប។

ទោះយ៉ាងណាក៏ដោយ ចាប់តាំងពីទទួលជយលាភីលំដាប់រងលេខ១ នៅវគ្គផ្តាច់ព្រ័ត្រ Miss Grand International 2022 រហូតមកដល់ពេលនេះ Engfa Waraha គឺជាតារាស្រីមួយដួងដែលទទួលបានការចាប់អារម្មណ៍ខ្លាំងពីសំណាក់អ្នកគាំទ្រសម្រស់ និងបណ្ដាញសារព័ត៌មានធំៗ។ ជាមួយគ្នានោះ នាងទទួលបានជោគជ័យខ្លាំងក្នុងការរកចំណូលនិងផ្សព្វផ្សាយសកម្មភាពពាណិជ្ជកម្មឲ្យស្ថាប័ន MGI ក្នុងសម័យកាលរបស់នាង ដែលនេះជារឿងកម្រមួយសម្រាប់រាជិនីសម្រស់មុនៗដែលសម្រេចបានជោគជ័យ។

សូមបញ្ចាក់ដែរថា បវរកញ្ញា Engfa Waraha និងម្ចាស់ជ័យលាភីលេខ៥ Miss Grand Thailand 2022 បវរកញ្ញា Charlotte Austin បានធ្វើដំណើរកម្សាន្តទៅសហរដ្ឋអាមេរិកជាមួយលោក Nawat ដើម្បីរៀបចំកម្មវិធីប្រគំតន្ត្រីនៅអាមេរិក ដោយរូបនាងបានស្លៀកសំលៀកបំពាក់ស៊ិចស៊ីយ៉ាងចាស់ដៃ ហើយថែមទាំងរកចំណូលបានច្រើនជាងនៅប្រទេសថៃទៀតផង៕