ជីវិតកម្សាន្ដ

ទីបំផុត ភរិយានាយ ពែកមី បានទទួលសំណងពីម្ចាស់ហាង S 88 Beauty

បានផុស

៣ years មុន

នៅ

ថ្ងៃចន្ទ ៧ សីហា ២០២៣

ដោយ

តារាកំប្លែងនាយ ពែកមី បានបញ្ជាក់ប្រាប់ឲ្យដឹងមុននេះបន្តិចថា ពេលនេះភរិយារបស់លោកបានទទួលសំណងពីម្ចាស់ហាង S 88 Beauty តាមពាក្យបណ្ដឹងរបស់លោកហើយ។ ចំណែកអាការជំងឺភរិយាលោក ក៏បានធូរស្រាលច្រើន និងត្រៀមចេញពីមន្ទីរពេទ្យក្នុងរយៈពេល ២ ឬ ៣ ថ្ងៃ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាកំប្លែងនាយ ពែកមី បានថ្លែងប្រាប់នៅព្រឹកថ្ងៃទី ០៧ ខែសីហា ឆ្នាំ ២០២៣ នេះថា «ខ្ញុំ និងប្រពន្ធ បានទទួលសំណងពីម្ចាស់ហាង S88Beauty តាមពាក្យបណ្ដឹងរបស់ខ្ញុំហើយ អរគុណបងប្អូនទាំងអស់គ្នា ដែលបារម្ភ និងជូនពរប្រពន្ធខ្ញុំ»។ នាយ ពែកមី មិនទាន់បញ្ជាក់ប្រាប់ពីសំណងដែលលោក និងភរិយា ទទួលបាននៅឡើយទេ។

គេចាំបានថា ភរិយារបស់តារាកំប្លែងល្បីឈ្មោះលោក ចែម ចាន់រ៉ា ហៅ នាយ ពែកមី កាលពីរសៀលថ្ងៃទី ០២ ខែសីហា ឆ្នាំ ២០២៣ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត បន្ទាប់ពីមានអាការធ្ងន់ធ្ងរ ក្រោយទទួលសេវាកម្មចាក់សេរ៉ូមខូឡាជិន ចាក់វីតាមីនឲ្យសាច់ស្អាត នៅក្នុងហាងកែសម្ផស្សយីហោ អេស 88 ប៊ីយូធី ម្ដុំផ្សារថ្មី។

យ៉ាងណាមិញក្រោយចូលសង្គ្រោះបន្ទាន់អស់រយៈពេល ៣ ថ្ងៃ នៅមន្ទីរពេទ្យកាល់ម៉ែត ភរិយានាយ ពែកមី ក៏មានអាការធូរស្រាលបន្តិចឡើងវិញ និងត្រូវបានបញ្ជូនមកចូលសម្រាកនៅបន្ទប់ព្យាបាលធម្មតាវិញ ខណៈកន្លងមកនាយ ពែកមី ដែលជាស្វាមី នៅតែបង្ហាញក្ដីព្រួយបារម្ភចំពោះបញ្ហាសុខភាពភរិយា ទោះបីចេញពីបន្ទប់សង្គ្រោះបន្ទាន់ក៏ដោយ។

ជាថ្មីម្ដងទៀត តារាកំប្លែងនាយ ពែកមី បានបញ្ជាក់ឲ្យដឹងកាលពីល្ងាចថ្ងៃទី ០៦ ខែសីហា ម្សិលមិញថា មកដល់ពេលនេះអាការជំងឺភរិយារបស់លោកបានធូរស្បើយច្រើនហើយ ដូច្នេះអាចប្រហែលជា ២ ទៅ ៣ ថ្ងៃទៀត ភរិយាលោកនឹងបានចេញពីមន្ទីរពេទ្យហើយ។ លោកក៏បានអរគុណចំពោះការសួរសុខទុក្ខ និងក្តីបារម្ភរបស់មិត្តភ័ក្ដិ និងអ្នកគាំទ្រ មកលើប្រពន្ធលោកផងដែរ។

សូមបញ្ជាក់ថា ភ្លាមៗបន្ទាប់ពីការស្រាវជ្រាវ និងពិនិត្យករណីនេះ ក្រសួងសុខាភិបាល នៅថ្ងៃទី ០៤ ខែសីហា ក៏បានចេញសេចក្ដីសម្រេចស្ដីពីការបិទ និងដកហូតសេចក្ដីសម្រេចឲ្យបើកមជ្ឈមណ្ឌលថែរក្សាសម្ផស្ស អេស ប៉ែតសិបប្រាំបី ប៊ីយូធី (S88 Beauty ) និងសាខាទាំងអស់៕

អត្ថបទ ៖ ចាន់រ៉ា

Related Topics:តារាខ្មែរ នាយពាក់មី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា