ជីវិតកម្សាន្ដ

មិនរួចខ្លួនទេ! ករណី ស៊ឹម ថៃណា ធ្វើតាមនីតិវិធីច្បាប់ គ្មានការសុំទោស

បានផុស

៣ years មុន

នៅ

ថ្ងៃសុក្រ ១១ សីហា ២០២៣

ដោយ

ក្រោយប្រកាសទុកឱកាសត្រឹមរយៈពេល ២៤ ម៉ោង ដើម្បីឲ្យជនបង្កដែលជេរប្រមាថកិត្តិយសមកលើតារាចម្រៀងកញ្ញា ស៊ឹម ថៃណា ធ្វើការចេញមុខសុំទោសនាងជាសាធារណៈ មិនទទួលបានផលវិជ្ជមាននោះ ពេលនេះប្រធានសមាគមសិល្បករខ្មែរ អ្នកនាង ចន ច័ន្ទលក្ខិណា បានប្រកាសធ្វើតាមនីតិវិធីច្បាប់ ដោយគ្មានការសុំទោសទៀតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រាកដណាស់ក្រោយកើតមានរឿងរ៉ាវដ៏ស្មោកគ្រោកពីសំណាក់បុគ្គលស្រវឹងស្រាជេរប្រមាថធ្ងន់ៗ មកលើតារាស្រី កញ្ញា ស៊ឹម ថៃណា ថ្មីៗមុននេះ នាងក៏បានទុកពេលដើម្បីឲ្យបុគ្គលរូបនេះដឹងកំហុសចេញមុខសុំទោសផងដែរ។ ជាមួយនោះ ប្រធានសមាគមសិល្បករខ្មែរ ក៏បានប្រកាសទុកពេលត្រឹម ២៤ ម៉ោង ដល់បុគ្គលរូបនោះ សម្រាប់សុំទោស ស៊ឹម ថៃណា ផងដែរ។

គិតត្រឹមម៉ោង ២ រសៀល ថ្ងៃទី ១០ ខែសីហា ឆ្នាំ ២០២៣ ម្សិលមិញ ជាវេលាដល់កំណត់សម្រាប់ការផ្ដល់ឱកាសសុំទោសកញ្ញា ស៊ឹម ថៃណា គឺគេពុំឃើញបុគ្គលរូបនោះចេញមកសុំទោសតារាស្រីរូបនេះទេ។ ទង្វើដ៏គឃ្លើនរបស់បុគ្គលរូបនេះ បានធ្វើឲ្យប្រធានសមាគមសិល្បករខ្មែរអ្នកនាង ចន ច័ន្ទលក្ខិណា សម្រេចធ្វើតាមច្បាប់ ដើម្បីរកយុត្តិធម៌ជូនជនរងគ្រោះ គឺ កញ្ញា ស៊ឹម ថៃណា ដូចការគ្រោងទុក។

អ្នកនាង ចន ច័ន្ទលក្ខិណា បានបង្ហោះរូបភាព ១ សន្លឹក នៅលើគណនីហ្វេសប៊ុកផ្ទាល់ខ្លួន ក្នុងជំនួបស្វែងរកកិច្ចអន្តរាគមន៍ពីសំណាក់លោកស្រី ញ៉ែម មរកត រដ្ឋលេខាធិការក្រសួងកិច្ចការនារី ដើម្បីស្នើសុំជំនួយផ្នែកច្បាប់។ ប្រធានសមាគមរូបនេះ បានបញ្ជាក់ដោយខ្លីថា «២៤ ម៉ោង ត្រូវបានបញ្ចប់ ដូច្នេះពួកយើងធ្វើតាមនីតិវិធីច្បាប់ គ្មានការសុំទោសទៀតទេ»។

ចំណែកតារាចម្រៀង ស៊ឹម ថៃណា កាលពីល្ងាចថ្ងៃទី ១០ ខែសីហា “កម្ពុជាថ្មី” បានធ្វើការទំនាក់ទំនងតាមរយៈបណ្ដាញសង្គមដែរ ប៉ុន្តែពុំទាន់មានការឆ្លើយតបនៅឡើយទេ។ យ៉ាងណានៅលើហ្វេសប៊ុករបស់កញ្ញា ថៃណា បានលើកឡើងខ្លីដែរថា «អស់ឱកាសហើយ បើចង់គេច លុះត្រាតែចេញពីស្រុកខ្មែរ»។

ដោយឡែកបើតាមប្រភពបានបង្ហើបថា អត្តសញ្ញាណ និងទីកន្លែងរស់នៅបុគ្គលរូបនេះ ត្រូវបានកត់ដឹងខ្លះៗ រួចហើយ។ ប្រភពដដែលនិយាយថា បុគ្គលនេះរាល់ការផឹកស៊ីស្រវឹង តែងតែប្រព្រឹត្តទង្វើជេរប្រមាថទៅលើអ្នកដទៃជាច្រើនលើកច្រើនសាមកហើយ ប៉ុន្តែកន្លងមកពុំមានអ្នករករឿង ទើបធ្វើឲ្យបុរសកំហូចនោះចេះតែបានចិត្ត៕

អត្ថបទ ៖ ចាន់រ៉ា

Related Topics:តារាខ្មែរ ស៊ឹម ថៃណា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា