ជីវិតកម្សាន្ដ

ស៊ឹម ថៃណា លើកឡើងភាពខុសគ្នារវាងសិល្បៈជំនាន់មុន និងបច្ចុប្បន្ន ដើរផ្ទុយគ្នាស្រឡះ

បានផុស

៦ ខែ មុន

នៅ

ថ្ងៃពុធ ១៣ កញ្ញា ២០២៣

ដោយ

កញ្ញា ស៊ឹម ថៃណា ដែលជាតារាចម្រៀងចាស់វស្សាសាងប្រជាប្រិយភាពយូរឆ្នាំមកហើយនោះ បានពោលពាក្យហាក់មានការខកចិត្តសម្រាប់ការរាប់អាននៅក្នុងចង្កោមអ្នកសិល្បៈកាលពីមុន និងពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការលើកឡើងរបស់តារាចម្រៀងកញ្ញា ស៊ឹម ថៃណា បានអះអាងថា សម្រាប់មិត្តភាពនៅក្នុងចង្កោមសិល្បៈខ្មែរកាលពីជំនាន់ឆ្នាំ ២០០៣ និងបច្ចុប្បន្ន ២០២៣ គឺ មានភាពផ្ទុយស្រឡះពីគ្នាតែម្ដង។ មូលហេតុត្រូវបាន កញ្ញា ស៊ឹម ថៃណា បញ្ជាក់ថា ដោយសម័យបច្ចុប្បន្នសម្បូរទៅដោយមិត្តភាព និងការរាប់អានក្លែងក្លាយ។

តារាស្រី ស៊ឹម ថៃណា បាននិយាយថា «ខ្ញុំសែនសប្បាយចិត្តពេលដែលខ្ញុំចូលសិល្បៈទាន់ជំនាន់(២០០៣) ដែលគ្មានមិត្តភាព និងការរាប់អាន Fake គ្មានការច្រណែន គ្មានការបង្អួតសម្ភារៈនិយម គ្មានការរើសអើងអ្នកល្បី ឬមិនល្បី តែសិល្បៈជំនាន់នេះ (២០២៣) ….»។ នាងនិយាយបន្ថែមថា នេះជាអតីតកាលសិល្បៈដ៏គួរឲ្យចងចាំ។

គួររម្លឹកដែរថា តារាចម្រៀងចាស់វស្សា កញ្ញា ស៊ឹម ថៃណា កាលពីថ្មីៗកន្លងទៅនេះ នាងត្រូវបានបុរសម្នាក់ស្រវឹងស្រាជេរប្រមាថកិត្តិយសធ្ងន់ធ្ងរ រហូតធ្វើឲ្យតារាស្រីរូបនេះកើតទុក្ខមិនសុខចិត្ត ដោយប្រកាសឲ្យបុគ្គលរូបនោះចេញមុខសុំទោសជាសាធារណៈទៀតផង។