ជីវិតកម្សាន្ដ

ពេជ្រ សោភា បញ្ជាក់ថា សមត្ថភាពនាំឲ្យទទួលបានជោគជ័យសម្រាប់ លឹម សេរីហាន់នីកា

បានផុស

៣ years មុន

នៅ

ថ្ងៃចន្ទ ២ តុលា ២០២៣

ដោយ

តារាចម្រៀងអ្នកនាង ពេជ្រ សោភា បានបង្ហាញអារម្មណ៍រំភើប និងត្រេកអរខ្លាំងរហូតស្រក់ទឹកភ្នែក បន្ទាប់ពីកូនក្រុមរបស់ខ្លួនទទួលបានជ័យជំនះកាលពីយប់មិញ ក្នុងការប្រឡងចម្រៀងលំដាប់ថ្នាក់ពិភពលោក។ ជ័យជំនះរបស់ លឹម សេរីហាន់នីកា ត្រូវបាន សោភា បញ្ជាក់ថា ដោយសារសមត្ថភាព ទើបនាំឲ្យទទួលបានជោគជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីការលើកឡើងបែបនេះ កំពូលតារាចម្រៀង ពេជ្រ សោភា បានចូលរួមអបអរសាទរចំពោះកូនក្រុមរបស់ខ្លួន ដោយនាងនិយាយថា «congratulations ក្មេងតូច លឹម សេរីហាន់នីកា។ សមត្ថភាពនាំឲ្យទទួលបានជោគជ័យ ក្នុងនាមខ្ញុំជាគ្រូបង្វឹកពិតជាសប្បាយចិត្តចំពោះការជោគជ័យរបស់អូន»។

អ្នកនាង ពេជ្រ សោភា និយាយបន្ថែមថា «នាងខ្ញុំ ពេជ្រ សោភា សូមអរគុណដល់ពូមីងបងប្អូនទូទាំងប្រទេសដែលស្រលាញ់ និងគាំទ្រ នីកា ដោយមើលឃើញពីសមត្ថភាព»។ ចំណែកម្ចាស់ជ័យលាភី លឹម សេរីហាន់នីកា ក៏បានថ្លែងពីអារម្មណ៍របស់ខ្លួនថា «ជោគជ័យរាត្រីនេះ គឺជាជោគជ័យរបស់ពុកម៉ែបងប្អូនទាំងអស់គ្នា»។

លឹម សេរីហាន់នីកា បានលើកឡើងថា «នាងខ្ញុំ លឹម សេរីហាន់នីកា សូមលើកម្រាមដៃដប់ ថ្លែងអំណរគុណចំពោះការផ្តល់ក្ដីស្រលាញ់របស់ពុកម៉ែបងប្អូនគាំទ្រដល់ប្អូន បោះឆ្នោតដល់ប្អូន រហូតជាប់វគ្គផ្ដាច់ព្រ័ត្រ។ សូមអរគុណអ្នកគ្រូ ពេជ្រ សោភា (Pich Sophea) ដែលបានការបង្ហាត់បង្រៀនយ៉ាងយកចិត្តទុកដាក់បំផុត»។

កញ្ញា លឹម សេរីហាន់នីកា គឺជាកូនក្រុមរបស់ Coach ពេជ្រ សោភា បានឈ្នះពាន The Voice Cambodia រដូវកាលទី ៣ ដោយយកឈ្នះបេក្ខភាព ៣ រូប ផ្សេងទៀត គឺ គឹម សុវណ្ណ កូនក្រុម ឱក សុគន្ធកញ្ញា, សាល បាទី កូនក្រុម ឆន សុវណ្ណារាជ និងសួន សុវណ្ណចន្នី កូនក្រុមរបស់ ណុប បាយ៉ារិទ្ធ ក្នុងវគ្គផ្ដាច់ព្រ័ត្រហើយ កាលពីយប់ថ្ងៃទី ០១ ខែតុលា ឆ្នាំ ២០២៣៕

អត្ថបទ ៖ ចាន់រ៉ា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា