ករុណា ពេជ្រ ប្រកាសអញ្ជើញ​តាៗ​ស៊ីក្លូ និងបុគ្គលិក​អនាម័យ​ទទួលទាន​អាហារ​សាមគ្គី
Connect with us
Helistar Cambodia - Helicopter Charter Services

ជីវិតកម្សាន្ដ

ករុណា ពេជ្រ ប្រកាសអញ្ជើញ​តាៗ​ស៊ីក្លូ និងបុគ្គលិក​អនាម័យ​ទទួលទាន​អាហារ​សាមគ្គី

Published

on

​ដើម្បី​រួមចំណែក​នៃ​ការចែករំលែក​ក្តីស្រលាញ់​ និង​លើកទឹកចិត្ត​ជូន​ចំពោះ​លោកតា​​និង​ពូៗ​ធាក់​ស៊ីក្លូ​ព្រមទាំងបុគ្គិល​បម្រើ​ការងារ​ផ្នែក​សម្អាត​អនាម័យ​នៅតាម​ក្រុមហ៊ុន​នានា​នោះ​ តារា​ប្រុស​លោក ករុណា ពេជ្រ បានប្រកាស​ត្រៀម​ចែក​អំណោយ​ជូន​ដល់​ពួកគាត់​ដែល​សរុប​ប្រមាណ​៣០០​នាក់​។​

លោក ករុណា ពេជ្រ បាន​ថ្លែងប្រាប់​ឲ្យ​ដឹង​ពី​គោលបំណង​នេះ​ថា​ ការរៀបចំ​កម្មវិធី​ជួបជុំ​នេះ ​គឺ​ដើម្បី​បង្កើន​ភាពស្និទ្ធស្នាល​និង​ផ្តល់​ភាពកក់ក្តៅ​ចំពោះ​ពួកគាត់​ទាំង​៣០០​នាក់​។ ​លោ​កថា​ លោកតា​ស៊ីក្លូ​ព្រមទាំង​បុគ្គិល​បម្រើ​ការងារ​ផ្នែក​សម្អាត​អនាម័យ​ខាងលើនេះ​នឹង​ទទួល​បានការ​ញ៉ាំ​អាហារ​សាមគ្គី​រួម​នឹង​អំណោយ​សម្ភារៈ​បូករួម​ថវិកា​មួយចំនួនទៀត​ផងដែរ​។​

តារា​ប្រុស​រូបនេះបាន​និយាយទៀតថា ​ជាការ​ពិត​ខ្ញុំ​រួមជាមួយ​ក្រុមការងារ​បា​ន​រៀបចំ​កម្មវិធីចែក​រំ​លែក​សេចក្តីស្រលាញ់​ជូន​លោកតា​ធាក់​ស៊ីក្លូ ​និងអ៊ុំ ពូ​ មីង​ចាស់ៗ​ដែល​បំពេញការងារ​ក្នុង​ក្រុមហ៊ុន​សម្អាត​អនាម័យ​សរុប​៣០០​នាក់ ដែល​បានរៀបចំ​ម្ហូបអាហារ​ដ៏​ឆ្ងាញ់​មួយពេល រួមជាមួយ​ថវិកា សម្ភារៈ ។ ​កម្មវិធី​នេះ​នឹង​ប្រព្រឹត្តទៅ​នៅ​ថ្ងៃទី​០៤ ខែកុម្ភៈ​ ឆ្នាំ​២០២១​វេលា​ម៉ោង​៥​ល្ងាច​ស្ថិតក្នុង​ទីតាំង​ភោជនីយដ្ឋាន វី ហ្វ្រេន សាខា ឫស្សីកែវ ស្ពាន​បេឡេ។​

ដោយឡែក​បើ​ងាកទៅ​មើល​នៅលើ​បណ្តាញ​សង្គម​ហ្វេ​ស​ប៊ុ​ក​ផ្ទាល់ខ្លួន​របស់លោក ករុណា ពេជ្រ ក៏​បាន​បង្ហោះ​រូបភាព​ជាច្រើន​ដែល​បានរៀបចំ​រួចជា​ស្រេច​នូវ​ផ្លែឈើ​ស្រស់ៗ​ដើម្បី​ចែកជូន​ដល់​ពួកគាត់​ខាងលើ​។​ក្នុងនោះដែរ​លោក ករុណា ពេជ្រ បាន​បញ្ជាក់ថា​បងប្អូន​អើយ​កុំអាល​អរ មិនមែន​រៀប​ជំនូន ភ្ជាប់ពាក្យ​ខ្ញុំ​ទេ​ គឺ​រៀប​ជំនូន​ផ្លែឈើ​ទុក​ជូន​លោកតា​ធាក់​ស៊ីក្លូ​និង​អ៊ុំ ​ពូ មីង​ចាស់​៣០០​នាក់​សម្រាប់​ល្ងាច​នេះ​។​ សកម្មភាព​នេះ​កំពុង​ទទួលបាន​ការគាំទ្រ​និង​សរសើរ​ច្រើន​ពី​សំណាក់​មហាជន​៕

អត្ថបទ ៖ ចាន់​រ៉ា​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services