ជីវិតកម្សាន្ដ

ពេជ្រ សោភា ទម្លាយអាថ៌កំបាំងដែលធ្វើឲ្យខ្លួនបោះជំហ៊ានដល់ថ្ងៃនេះ

បានផុស

៣ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

ភ្នំពេញ ៖ តារាចម្រៀងលំដាប់ជួរមុខសម្លេងស្រួយ ពេជ្រ សោភា ស្របពេលដែលបោះជំហ៊ានល្បីល្បាញលើអាជីពសិល្ប:និងទាញបានប្រជាប្រិយភាពពីយុវវ័យនោះ ឃើញថាតារាស្រីរូបនេះបានប្រែក្លាយទាំងជីវភាពនិងរូបសម្ផស្សកាន់តែស្រស់ស្អាតក្មេងជាងវ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រែក្លាយខ្លួនយ៉ាងឆាប់រហ័យលើវិស័យសិល្បៈ ពីសំណាក់អ្នកនាងពេជ្រ សោភាជាមួយស្ទុះនៃការគាំទ្រខ្លាំងនេះដែរ ទើបធ្វើឲ្យនាងអាចឈរជើងបានរហូលមកដល់ពេលនេះ។ ការតស៊ូរបស់ ពេជ្រ សោ ភា មិនត្រឹមតែទទួលបានជោគជ័យលើវិថីសិល្បៈ នោះទេគឺថែមទាំងមានការកោតសរសើរពីមហាជនផងដែរ។

អាថ៌កំបាំងដែលជោគជ័យលើវិថីសិល្បៈរបស់ ពេជ្រ សោភា ដែលឈានដល់ថ្ងៃនេះត្រូវបានសាមីខ្លួនបញ្ជាក់បែបនេះថាកើតចេញពីភាពតស៊ូ និង កម្លាំងចិត្តរបស់អ្នកមានគុណនាង។ អ្នកនាង ពេជ្រ សោភា បាននិយាយថា នាងខ្ញុំមិនល្អគ្រប់ដប់ទេ ហើយ ក៏មិនដែលធ្វើអី្វខុសដែរ តែម្តាយខ្ញុំវិញគាត់បាននិយាយឲ្យខ្ញុំឈឺចាប់។

តារាចម្រៀង ពេជ្រ សោភា បានបន្តថា គាត់និយាយថា អ្នកឯងធំហើយ អ្នកឯងល្បីហើយ អស្ចារ្យហើយខ្ញុំមិនចង់បានលុយអ្នក ពាក្យនេះមិនធ្ងន់ទេ តែឈឺចាប់ណាស់សម្រាប់ខ្ញុំ ខ្ញុំដឹង ខ្ញុំសុខទៅសុំទោសម្តាយនូវអ្វីដែលខ្លួនបានធ្វើ តាំងពីពេលនោះមកជីវិតរបស់ខ្ញុំស្រស់ស្រាយណាស់ អរគុណពិភពលោកដែលឲ្យខ្ញុំកើតជាកូនម្តាយខ្ញុំ។

តាមរយៈពាក្យសម្តីរបស់អ្នកនាង ពេជ្រ សោភា ទើបធ្វើឲ្យមហាជននិងអ្នកគាំទ្រយល់កាន់តែច្បាស់ហើយដឹងការពិតសម្រាប់ជីវិតជោគជ័យរបស់កំពូលតារាចម្រៀង ពេជ្រ សោភា រហូតដល់ពេលបច្ចុប្បន្ននេះ៕

ដោយ ៖ ចាន់រ៉ា