ទាក់ទងគ្នា៧ឆ្នាំ តួប្រុសរឿង “មេធាវីកាត់ស្នេហ៍” ប្រកាសប្រេះឆាជាមួយមិត្តស្រី

ក្រោយទាក់ទងគ្នារយៈពេល​៧ឆ្នាំ ពេលនេះតារាសម្ដែង Cake Nattavat​ និងមិត្តស្រី Kritsiri Suksawat​​ បានបញ្ចប់ស្នេហារវាងគ្នា ដោយបញ្ចាក់ច្បាស់ៗថា ​មិន​មាន​ទំនាក់​ទំនង​អ្វី​ទាំង​អស់ ហើយ​អ្នក​ទាំង​ពីរ​បាន​លុប​រូប​ថត​​​នៅ​លើ Instagram។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ Kritsiri ក៏បានបង្ហោះសារយ៉ាងច្បាស់តាមរយៈគណនី IG ពីទំនាក់ទំនងជាមួយអតីតមិត្តប្រុសថា “ជំរាបសួរអ្នកទាំងអស់គ្នា ខ្ញុំបានសរសេរប្រកាសនេះបន្ទាប់ពីការគិតមកជាយូរហើយ និងព្រមទាំងទុកពេលឲ្យខ្លួនឯងខ្លះ។ ខ្ញុំ​គិត​ថា​ចាំបាច់​ត្រូវ​ប្រាប់​អ្នក​រាល់​គ្នា​ ពេលនេះខ្ញុំនិងបង Cake បាន​បញ្ចប់​ទំនាក់ទំនង​​មួយរយៈ​ហើយ​។ បច្ចុប្បន្ន​នេះ យើង​ទាំង​ពីរ​មិន​ពាក់ព័ន្ធ​អ្វី​ទាំងអស់​ទាក់ទង​នឹង​ការ​ទទួល​ខុស​ត្រូវ​រួម​របស់​យើង”។

លើសពីនេះទៀតដែរ អតីតមិត្តស្រីរបស់តួប្រុសក្នុងរឿង “មេធាវីកាត់ស្នេហ៍” បានបញ្ចាក់បន្ថែមទៀតថា THE BOTTOM CLUB ដែលពួកគេមានជាមួយគ្នា វានឹងក្លាយជាទំនាក់ទំនងតែមួយគត់សម្រាប់ការងារប៉ុណ្ណោះ។ ក្នុងនោះនាងក៏និយាយទៀតថា សម្រាប់អតិថិជនដែលបានទាក់ទងគូស្នេហ៍របស់នាងនាពេលថ្មីៗនេះ នាងក៏សូមអភ័យទោសដោយស្មោះចំពោះការបដិសេធ ហើយក៏សូមអរគុណដល់អតិថិជន ដែលបានដឹងរឿងរ៉ាវរបស់អ្នកទាំងពីរផងដែរ។

យ៉ាងណាមិញសម្រាប់គូស្នេហ៍ Cake Nattavat​ និងមិត្តស្រី Kritsiri Suksawat​​ ​ បានជួបគ្នាបន្ទាប់ពីធ្វើការជាមួយគ្នាជាលើកដំបូងនៅក្នុងរឿងភាគ Luk Phu Chai Series វគ្គ Pattam ក្រោយមក គូស្នេហ៍មួយគូនេះចាប់ផ្តើមបង្កើតទំនាក់ទំនង ព្រមទាំងបានជ្រើសរើសកន្លែងរស់នៅមុនពេលរៀបការ ដើម្បីសាកល្បងរស់នៅជាមួយគ្នាជាមុនសិន៕

ប្រែសម្រួល៖ សាង ស្រីល័ក្ខ

ប្រភព៖sanook

ចុចអាន៖Best ត្រូវគេជេរប្រមាថយ៉ាងចាស់ដៃ ក្រោយឪពុកពាក់ព័ន្ធ​រឿងអាស្រូវរំលោភ​ក្មេង​អាយុ​១៧​ឆ្នាំ