តារាថៃជើងចាស់ លោក Daeng Itthiphat បានទទួល​មរណភាពហើយ

ជារឿងដ៏គួរឲ្យសោកស្ដាយជាថ្មីម្ដងទៀតនៅក្នុងឧស្សាហកម្មកំសាន្តថៃ បន្ទាប់ពីទទួលដំណឹងដ៏សោកសៅមួយគឺលោក Daeng Itthiphat ដែលគេស្គាល់ថាជាតារាថៃជើងចាស់ដ៏មានសមត្ថភាពមួយរូប បានទទួលមរណភាពហើយ កាលពីថ្ងៃទី១៣ មីនា ម្សិល​មិញ​នេះ។

យោងតាមការចុះផ្សាយរបស់សារព័ត៌មានថៃក្នុងស្រុកជាច្រើន តារាជើងចាស់ខាងលើបានបាត់បង់ជីវិតក្នុងជន្មាយុ៦៦ឆ្នាំ ដោយសារ​ជំងឺខ្សោយ​បេះដូង។ យ៉ាងណា ពិធីស្រោច​ទឹកសពនឹងត្រូវធ្វើឡើង​នៅល្ងាចម៉ោង៤រសៀលថ្ងៃទី១៤ ខែមីនានេះ។

គួរបញ្ជាក់ថាលោក Daeng Itthiphat ជាតារាថៃល្បីឈ្មោះមួយរូប បានបង្ហាញសមត្ថភាពសម្ដែងក្នុងរឿងភាគថៃជូនអ្នកទស្សនា​អស់ពេលជាច្រើនឆ្នាំនាពេលកន្លងមក ហើយរឿងចុងក្រោយរបស់លោកដែលបានចូលរួមសម្ដែងមានចំណងជើងថា« Kamnan Ying »។ ការបាត់បង់​ជីវិតរបស់លោកមិនត្រឹមតែបន្សល់ទុកនូវក្ដីសោកសង្រេងដល់ក្រុមគ្រួសារកូនចៅប៉ុណ្ណោះទេ តែក៏បានធ្វើ​ឲ្យ​តារា​ក្នុងសិល្បៈថៃជាច្រើនមានការសោកស្ដាយចំពោះការបាត់បង់តារាដ៏មានសមត្ថភាពរូបនេះផងដែរ៕

អត្ថបទផ្ដល់ដោយ៖៖ Porman

ចុចអាន៖ស្រាយ​ចម្ងល់​អ្នកគាំទ្រ! ​Rosé ​ប្រាប់ពីមូល​ហេតុដែល​បទ​ចម្រៀង​ទោល​ដំបូង ​ត្រូវច្រៀង​ជាភាសា​អង់គ្លេស