ព័ត៌មានអន្ដរជាតិ
WHO ព្រមានថា កុំអាងតែមានវ៉ាក់សាំង ភ្លេចវិធានការការពារខ្លួនពីកូវីដ
អង្គការសុខភាពពិភពលោក (WHO) បានអំពាវនាវឲ្យមានវិធានការជាបន្តដើម្បីការពារការឆ្លងជំងឺកូវីដ ១៩ ខណៈដែលករណីឆ្លងជាសកលមានការកើនឡើង ទោះបីមានយុទ្ធនាការចាក់វ៉ាក់សាំងទ្រង់ទ្រាយធំក៏ដោយ ។
លោក Tedros Adhanom Ghebreyesus អគ្គនាយកអង្គការសុខភាពពិភពលោកបានប្រាប់សន្និសីទសារព័ត៌មានមួយកាលពីថ្ងៃចន្ទថា រហូតមកដល់ពេលនេះ វ៉ាក់សាំងចំនួន ៧៨០ លានដូសត្រូវបានប្រើប្រាស់ទូទាំងពិភពលោក ។
លោកបាននិយាយថា ករណីឆ្លងជាសកលបានធ្លាក់ចុះរយៈពេល ៦ សប្តាហ៍ជាប់គ្នាក្នុងខែមករា និងកុម្ភៈ ប៉ុន្តែវាបានកើនឡើងជាថ្មីម្តងទៀតក្នុងរយៈពេល ៧ សប្តាហ៍ជាប់ៗគ្នា ។ លោកបានកត់សម្គាល់ថា ការស្លាប់ក៏បានកើនឡើងផងដែរក្នុងរយៈពេល ៤ សប្តាហ៍កន្លងមកនេះ ។
លោក Tedros បាននិយាយថា “វ៉ាក់សាំងគឺជាឧបករណ៍សំខាន់ និងមានអនុភាព ប៉ុន្តែវាមិនមែនជាឧបករណ៍តែមួយដើម្បីការពារការឆ្លងនោះទេ” ។
ទន្ទឹមនោះលោកក៏បានសង្កត់ធ្ងន់ពីភាពចាំបាច់ដើម្បីបន្តរក្សាគម្លាតសង្គម ពាក់ម៉ាស លាងដៃ និងវិធានការផ្សេងៗទៀតប្រឆាំងនឹងវីរុសនេះ ។
យោងតាមគេហទំព័រ Our World in Data ដែលដំណើរការដោយអ្នកស្រាវជ្រាវនៅសកលវិទ្យាល័យ Oxford ចក្រភពអង់គ្លេសបានបង្ហាញថា គិតត្រឹមថ្ងៃសៅរ៍ប្រជាជនប្រហែល ៤៣០.៩៦ លាននាក់ត្រូវបានចាក់វ៉ាក់សាំងយ៉ាងហោចណាស់មួយដូសនៅជុំវិញពិភពលោក ។
ចំពោះសមាមាត្រនៃចំនួនប្រជាជនសរុបដែលទទួលបានការចាក់វ៉ាក់សាំងយ៉ាងហោចណាស់មួយដូសគឺ អ៊ីស្រាអែលឈរនៅលំដាប់កំពូលដោយមាន ៦១.៤ ភាគរយ ។ ចក្រភពអង់គ្លេសឈរនៅលំដាប់ទី ២ គឺ ៤៧.១ ភាគរយ បន្ទាប់មកឈីលីមានចំនួន ៣៨.៥ ភាគរយ និងសហរដ្ឋអាមេរិកមាន ៣៥ ភាគរយ ខណៈសរុបនៅទូទាំងពិភពលោកមានតែ ៥.៥ ភាគរយប៉ុណ្ណោះ ។
គួរបញ្ជាក់ថា គិតត្រឹមពេលនេះនៅលើពិភពលោកមានករណីឆ្លងជំងឺកូវីដ ១៩ សរុប ១៣៧,២៥២,៦២១ ករណី និងមានអ្នកស្លាប់ចំនួន ២,៩៥៨,៦២៩ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ WHO វិបត្តិកូវីដ នៅសល់ផ្លូវវែងឆ្ងាយទៀតទម្រាំដល់ទីបញ្ចប់
ចុចអាន ៖ មេ WHO ថា ប្រទេសដែលមានប្រាក់ចំណូលទាបស្ទើរតែមិនទទួលបានវ៉ាក់សាំងកូវីដ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ