ព័ត៌មានអន្ដរជាតិ

ណាតូរៀបចំសកម្មភាពយោធានៅតំបន់អាក់ទិក ចំពេលមានភាពតានតឹងជាមួយអាមេរិក និងអឺរ៉ុប

បានផុស

៤ ខែ មុន

នៅ

ថ្ងៃពុធ ៤ កុម្ភៈ ២០២៦

ដោយ

អង្គការណាតូ [NATO] បានចាប់ផ្តើមផែនការយោធាសម្រាប់បេសកកម្មនៅតំបន់អាក់ទិក ចំពេលមានភាពតានតឹងរវាងសហរដ្ឋអាមេរិក និងសម្ព័ន្ធមិត្តអឺរ៉ុបជុំវិញកោះ Greenland របស់ប្រទេសដាណឺម៉ាក និងចង់បានធ្វើជាកម្មសិទ្ធិដោយសហរដ្ឋអាមេរិក។ នេះបើតាមអ្នកនាំពាក្យទីបញ្ជាការយោធារបស់សម្ព័ន្ធ SHAPE កាលពីថ្ងៃអង្គារ។

ឧត្តមនាវីឯក លោក Giuseppe Cavo Dragone ប្រចាំអង្គការណាតូ។ NATO OTAN

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងម្តងហើយម្តងទៀត ប្រធានាធិបតីអាមេរិក លោក ដូណាល់ ត្រាំ មានមហិច្ឆតាចង់ទិញយកកោះ Greenland ដោយចោទប្រកាន់សម្ព័ន្ធមិត្តអឺរ៉ុបថាមិនបានការពារឱ្យបានត្រឹមត្រូវ ចំពោះដែនអាក់ទិកដ៏ធំនេះ ប្រឆាំងនឹងរុស្ស៊ីនិងចិន។

ការណ៍នេះបានបង្កឱ្យមានជម្លោះជាមួយទីក្រុង Copenhagen ក្នុងដែនដីប្រទេសរបស់ដាណឺម៉ាក និងនាំឱ្យមានភាពតានតឹងជាមួយណាតូ។

លោក Colonel Martin O’Donnell អ្នកនាំពាក្យទីស្នាក់ការកំពូលសម្ព័ន្ធមិត្តមហាអំណាចអឺរ៉ុប បាននិយាយដោយបញ្ជាក់ជាមួយរបាយការណ៍របស់ទស្សនាវដ្ដីអាល្លឺម៉ង់ Spiegel ថា៖ «ផែនការកំពុងដំណើរការជាមួយសកម្មភាពដ៏ល្អប្រសើររបស់អង្គការណាតូ មានឈ្មោះថា Arctic Sentry» ។

យ៉ាងណា រ៉យទ័រ មិនអាចសុំការអធិប្បាយបន្ថែមលើបញ្ហានេះទេ ដោយសារផែនការនេះទើបតែបានចាប់ផ្តើម។

បន្ទាប់ពីជួបលោក ដូណាល់ ត្រាំ នៅទីក្រុង Davos ក្នុងខែមករា អគ្គលេខាធិការអង្គការណាតូ លោក Mark Rutte បាននិយាយថា ពួកគេបានពិភាក្សាពីរបៀបដែលសម្ព័ន្ធមិត្តណាតូ អាចធ្វើការរួមគ្នា ក្នុងការធានាសន្តិសុខតំបន់អាកទិក។ ក្នុងនោះមិនមែនត្រឹមតែ Greenland ប៉ុណ្ណោះទេ ប៉ុន្តែប្រទេសទាំង ៧ របស់ណាតូដែលស្ថិតនៅក្នុងតំបន់អាកទិក។

រដ្ឋមន្ត្រីការពារជាតិដាណឺម៉ាក លោក Troels Lund Poulsen បាននិយាយនៅបណ្តាញសង្គម X ថា៖ « វាពិតជារឿងល្អណាស់ ដែលផែនការយោធាសម្រាប់បេសកកម្មរបស់ណាតូកំពុងដំណើរការ។ វាមានសារៈសំខាន់ ដែលយើងធ្វើការរួមគ្នាជាមួយសម្ព័ន្ធមិត្តណាតូរបស់យើង ដើម្បីបង្កើនសន្តិសុខនៅក្នុងតំបន់អាក់ទិក និងអាត្លង់ទិកខាងជើង» ។

យ៉ាងណាគេមិនច្បាស់ភ្លាមៗថារដ្ឋមន្ត្រីការពារជាតិណាតូនឹងពិភាក្សាពីប្រធានបទនេះក្នុងកិច្ចប្រជុំថ្ងៃទី ១២ ខែកុម្ភៈ នៅទីក្រុងប្រ៊ុចសែលដែរឬយ៉ាងណា។

គួរបញ្ជាក់ថា នៅក្រោមច្បាប់របស់សម្ព័ន្ធភាព មេបញ្ជាការសម្ព័ន្ធមិត្តកំពូលរបស់អង្គការណាតូ-អឺរ៉ុប ឧត្តមសេនីយអាមេរិក លោក Alexus Grynkewich មានសិទ្ធិអំណាចក្នុងការរៀបចំផែនការ និងអនុវត្ត «ការយល់ដឹងអំពីស្ថានភាព និងការត្រៀមខ្លួនទុកមុន» ដោយមិនត្រូវការការយល់ព្រមជាឯកច្ឆ័ន្ទពីសម្ព័ន្ធមិត្តណាមួយឡើយ៕

ប្រែសម្រួល៖ ណឺ មិនា

Related Topics:Featured អង្គការណាតូ (NATO)សហរដ្ឋអាមេរិក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា