ព័ត៌មានអន្ដរជាតិ

ក្រុមសកម្មប្រយុទ្ធគាំទ្រដោយអ៊ីរ៉ង់ វាយប្រហារលើទីតាំងការទូតអាមេរិក នៅអ៊ីរ៉ាក់ជាង ៦០០លើក

បានផុស

១ ខែ មុន

នៅ

ថ្ងៃសុក្រ ៨ ឧសភា ២០២៦

ដោយ

សហរដ្ឋអាមេរិក កំពុងជំរុញឱ្យរដ្ឋាភិបាលអ៊ីរ៉ាក់ផ្តាច់ខ្លួនចេញពីក្រុមសកម្មប្រយុទ្ធដែលគាំទ្រដោយទីក្រុងតេហេរ៉ង់ បន្ទាប់ពីក្រុមនេះ បានវាយប្រហារជាង ៦០០លើក ចូលទីតាំងការទូតរបស់អាមេរិកក្នុងប្រទេសអ៊ីរ៉ាក់ ចាប់តាំងពីការចាប់ផ្តើមនៃសង្គ្រាមដឹកនាំសហរដ្ឋអាមេរិកនិងអ៊ីស្រាអែល នៅថ្ងៃទី២៨ ខែកុម្ភៈ ឆ្នាំ២០២៦ ។ នេះបើយោងតាមក្រសួងការបរទេសអាមេរិក។

យោងតាមសារព័ត៌មានអាមេរិក NBC ផ្សាយថ្ងៃទី៨ ខែឧសភា ឆ្នាំ២០២៦ ទីកន្លែងការទូតប្រចាំទីក្រុង Baghdad ជាមជ្ឈមណ្ឌលភស្តុភារអាមេរិក ត្រូវបានវាយប្រហារដោយដ្រូនម្តងហើយម្តងទៀត ជាពិសេសនៅពាក់កណ្តាលខែមីនា។

ក្រុមជីវពលដែលគាំទ្រដោយទីក្រុងតេហេរ៉ង់។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមថ្ងៃអង្គារ ស្ថានទូតអាមេរិកនៅទីក្រុង Baghdad ជំរុញឱ្យជនជាតិអាមេរិកចាកចេញពីប្រទេសអ៊ីរ៉ាក់ ដោយព្រមានថា៖ « កងជីវពលបន្តរៀបចំផែនការវាយប្រហារបន្ថែមប្រឆាំងនឹងពលរដ្ឋអាមេរិក និងគោលដៅដែលជាប់ទាក់ទងនឹងសហរដ្ឋអាមេរិកនៅទូទាំងប្រទេសអ៊ីរ៉ាក់»។

មិនតែប៉ុណ្ណោះ ក្រសួងការបរទេសអាមេរិកប្រកាស ដាក់ទណ្ឌកម្មលើអនុរដ្ឋមន្ត្រីប្រេងរបស់ប្រទេសអ៊ីរ៉ាក់ លោក Ali Maarij al-Bahadly កាលពីថ្ងៃព្រហស្បតិ៍ ដោយអះអាងថា៖ « លោក Ali បានរំលោភលើតួនាទី ដើម្បីបង្វែរប្រេងអ៊ីរ៉ាក់ គាំទ្ររបបអ៊ីរ៉ង់។ ប្រេងអ៊ីរ៉ង់លាយជាមួយប្រេងអ៊ីរ៉ាក់ ហើយលក់ដើម្បីផលប្រយោជន៍របស់អ៊ីរ៉ង់»។ នេះបើយោងតាមអ្នកនាំពាក្យការបរទេសអាមេរិក លោក Tommy Pigott ។

ជុំវិញបញ្ហានេះ ស្ថានទូតអ៊ីរ៉ាក់ប្រចាំទីក្រុងវ៉ាស៊ីនតោនមិនបានឆ្លើយតបភ្លាមៗនោះទេ។

យ៉ាងណាសកម្មភាពនោះគឺជាកិច្ចខិតខំប្រឹងប្រែងចុងក្រោយបំផុតរបស់រដ្ឋបាល លោក ត្រាំ ក្នុងការគ្រប់គ្រងសមត្ថភាពអ៊ីរ៉ង់ក្នុងប្រទេសអ៊ីរ៉ាក់ ជាកន្លែងរបស់ក្រុមកងជីវពលមានទំនាក់ទំនងជាមួយទីក្រុងតេហេរ៉ង់៕

ប្រែដោយ៖ ណឺ មិនា

Related Topics:សហរដ្ឋអាមេរិក អ៊ីរ៉ាក់អ៊ីរ់ង់

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា