ព័ត៌មានអន្ដរជាតិ
WHO ដាក់ឈ្មោះវីរុសបំប្លែងខ្លួនអង់គ្លេស ឥណ្ឌា និងផ្សេងទៀតដោយអក្សរក្រិក
អង្គការសុខភាពពិភពលោក (WHO) បានប្រកាសប្រព័ន្ធដាក់ឈ្មោះថ្មីសម្រាប់វីរុសបំប្លែងខ្លួនកូវីដ-១៩ ដោយចាប់ពីពេលនេះទៅនឹងប្រើតួអក្សរក្រិកដែលសំដៅលើវីរុសបំប្លែងខ្លួនថ្មីរកឃើញដំបូងនៅក្នុងប្រទេសនានាដូចជា ចក្រភពអង់គ្លេស អាហ្វ្រិកខាងត្បូង និងឥណ្ឌា។
ឧទាហរណ៍ វីរុសបំប្លែងខ្លួនចក្រភពអង់គ្លេសដាក់ឈ្មោះ Alpha, វីរុសបំប្លែងខ្លួនអាហ្វ្រិកខាងត្បូងដាក់ឈ្មោះ Beta និងវីរុសបំប្លែងខ្លួនឥណ្ឌាដាក់ឈ្មោះ Delta។
WHO បាននិយាយថា ការដាក់ឈ្មោះបែបនេះដើម្បីឲ្យភាពងាយស្រួលក្នុងការពិភាក្សា ប៉ុន្តែដើម្បីជួយលុបបំបាត់ទុទិដ្ឋិនិយមដែលអាចកើតចេញពីឈ្មោះទាំងនោះ។
កាលពីដើមខែនេះ រដ្ឋាភិបាលឥណ្ឌាបានរិះគន់ពីការដាក់ឈ្មោះវីរុសបំប្លែងខ្លួន B.1.617.2 ដែលត្រូវបានរកឃើញនៅក្នុងប្រទេសនេះកាលពីខែតុលា ឆ្នាំមុន ជា«វីរុសបំប្លែងខ្លួនឥណ្ឌា» បើទោះជាអង្គការសុខភាពមិនបានដាក់ឈ្មោះផ្លូវការបែបនេះក៏ដោយ។
អ្នកដឹកនាំផ្នែកបច្ចេកទេសកូវីដ-១៩របស់ WHO អ្នកស្រី Maria Van Kerkhove បានសរសេរតាមបណ្តាញសង្គមថា ៖«គ្មានប្រទេសណាមួយដែលគួរត្រូវបានគេប្រមាថមើលងាយសម្រាប់រកឃើញ និងរាយការណ៍ពីវីរុសបំប្លែងថ្មីទេ»។
អ្នកស្រីក៏បានអំពាវនាវឲ្យមានការ«តាមដានឲ្យម៉ត់ចត់»នៃវីរុសបំប្លែងខ្លួន និងសម្រាប់ការចែករំលែកនៃទិន្នន័យវិទ្យាសាស្ត្រដើម្បីជួយបញ្ឈប់ការរាលដាល។
លិខិតនឹងសំដៅទៅលើភាពខុសគ្នាចំពោះវីរុសបំប្លែងខ្លួននៃការព្រួយបារម្ភ និងវីរុសបំប្លែងខ្លួននៃការចាប់អារម្មណ៍។ បញ្ជីឈ្មោះពេញត្រូវបានចេញផ្សាយនៅលើវិបសាយរបស់អង្គការសុខភាពពិភពលោក។
អ្នកស្រី Van Kerkhove បានឲ្យដឹងក្នុងបទសម្ភាសមួយថា អក្សរក្រិកនឹងមិនជំនួសឈ្មោះវិទ្យាសាស្ត្រដែលមានស្រាប់ឡើយ។ ប្រសិនបើវីរុសបំប្លែងច្រើនជាង២៤ត្រូវបានបង្ហាញអត្តសញ្ញាណផ្លូវការ ប្រព័ន្ធនេះនឹងអស់តួអក្សរក្រិក ហើយកម្មវិធីដាក់ឈ្មោះថ្មីនឹងត្រូវប្រកាសទៀត។
អ្នកស្រីថា ៖«យើងមិននិយាយពីការជំនួសវីរុស B.1.1.7ទេ តែពិតជាព្យាយាមដើម្បីជួយដល់កិច្ចសន្ទនាមួយចំនួនជាមួយមនុស្សជាមធ្យម។ ដូច្នេះនៅក្នុងការពិភាក្សាជាសាធារណៈ យើងអាចពិភាក្សាវីរុសបំប្លែងខ្លួនមួយចំនួននៅក្នុងការប្រើប្រាស់ភាសាងាយស្រួល»៕
ប្រែសម្រួល៖ វីរបុត្រ
ប្រភព៖ BBC
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង