ព័ត៌មានអន្ដរជាតិ
តៃវ៉ាន់ ក្លាយជាកោះទី ១ នឹងទទួលវ៉ាក់សាំង ៧៥ ម៉ឺនដូសពី សហរដ្ឋអាមេរិក តាមការសន្យា
សមាជិកព្រឹទ្ធសភាអាមេរិកមួយក្រុម បានធ្វើទស្សនកិច្ចនៅកោះតៃវ៉ាន់ ហើយបានប្រកាសពីការបរិច្ចាគវ៉ាក់សាំង ការពារជំងឺកូវីដ ១៩ ដល់កោះតៃវ៉ាន់ ផងដែរ ខណៈកោះនេះកំពុងដោះស្រាយ ជាមួយនឹងការកើនឡើង នូវចំនួនករណីភ្លាមៗ ។
ក្រុមនេះរួមមានលោកស្រី Tammy Duckworth អ្នកប្រជាធិបតេយ្យដែលបម្រើការ នៅគណៈកម្មាធិការព្រឹទ្ធសភា ផ្នែកសេវាកម្មប្រដាប់អាវុធ និងសមាជិកព្រឹទ្ធសភា ២ នាក់គឺទៀតគឺលោក Chris Coons និងលោក Dan Sullivan ។
ការប្រកាសបរិច្ចាគនេះ ធ្វើឡើងក្រោយពួកគេ បានមកដល់អាកាសយានដ្ឋានមួយ នៅទីក្រុងតៃប៉ិ តាមយន្ដហោះ US Air Force កាលពីថ្ងៃអាទិត្យ ។
នៅឯអាកាសយានដ្ឋាននោះ លោកស្រី Duckworth បានប្រកាសថា សហរដ្ឋអាមេរិកបានសម្រេចចិត្ត ផ្តល់វ៉ាក់សាំងចំនួន ៧៥០,០០០ ដូសដល់កោះតៃវ៉ាន់ បន្ទាប់ពីការពិភាក្សាជាច្រើនសប្តាហ៍ ជាមួយសេតវិមាន ។
លោកស្រីបាននិយាយថា វាមានសារៈសំខាន់ណាស់ ដែលកោះតៃវ៉ាន់ត្រូវបានរាប់បញ្ចូលក្នុងក្រុមទី ១ ដែលទទួលវ៉ាក់សាំង ពីព្រោះសហរដ្ឋអាមេរិក ទទួលស្គាល់តម្រូវការបន្ទាន់របស់តៃវ៉ាន់ និងឲ្យតម្លៃទៅលើភាពជាដៃគូនេះ ។
ទន្ទឹមនោះ ប្រធានាធិបតីអាមេរិកលោក Joe Biden ក៏បានសន្យាកាលពីសប្តាហ៍មុនដែរថា ទីក្រុងវ៉ាស៊ីនតោននឹងបរិច្ចាគ វ៉ាក់សាំងយ៉ាងតិច ៨០ លានដូសដល់ពិភពលោក នៅចុងខែនេះ ខណៈតៃវ៉ាន់ត្រូវបានជ្រើសរើស ជាអ្នកទី ១ ក្នុងការទទួលវ៉ាក់សាំងនេះ ។
ក្នុងឱកាសនោះ ការិយាល័យប្រធានាធិបតីតៃវ៉ាន់ និយាយថា លោកស្រីប្រធានាធិបតី Tsai Ing-wen ក៏បានពិភាក្សា ពីបញ្ហាសន្តិសុខក្នុងតំបន់ និងបញ្ហាផ្សេងទៀត ជាមួយសមាជិកព្រឹទ្ធសភា ៣ រូបនៅឯព្រលានយន្តហោះ នោះផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ជប៉ុន ផ្តល់វ៉ាក់សាំង AstraZeneza ១.២៤ លានដូសឥតគិតថ្លៃដល់ តៃវ៉ាន់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត