ព័ត៌មានអន្ដរជាតិ
ចេញដំណើរទស្សនកិច្ចក្រៅប្រទេស ជាផ្លូវការលើកដំបូងភ្លាម Biden ព្រមាន Putin ខ្លាំងៗភ្លែត
ប្រធានាធិបតីអាមេរិកលោក Joe Biden បានចាប់ផ្តើមដំណើរទស្សនកិច្ចក្រៅប្រទេសជាផ្លូវការលើកដំបូងរបស់ខ្លួន ជាមួយនឹងសារព្រមានដ៏ខ្លាំងមួយទៅកាន់ប្រទេសរុស្ស៊ីថា ពួកគេនឹងប្រឈមនឹងផលវិបាកធ្ងន់ធ្ងរ ប្រសិនបើចូលរួមក្នុងសកម្មភាពណា ដែលបង្កគ្រោះថ្នាក់។
លោក Biden បានបញ្ជាក់ច្បាស់ៗពីចេតនារបស់លោក ក្នុងការពង្រឹងទំនាក់ទំនងជាមួយសម្ព័ន្ធមិត្តសហរដ្ឋអាមេរិក បន្ទាប់ពីទំនាក់ទំនងត្រូវល្អក់កករក្រោមរដ្ឋបាលរបស់លោក Trump។
លោកប្រធានាធិបតី Biden បានទៅដល់ចក្រភពអង់គ្លេសកាលពីថ្ងៃពុធ។ លោកនឹងជួបជាមួយនាយករដ្ឋមន្រ្តី Boris Johnson ដើម្បីសម្រេចលើសេចក្តីប្រកាស “Atlantic Charter” ថ្មី។
ក្នុងអំឡុងពេលនៃដំណើរទស្សនកិច្ចនៅអឺរ៉ុបរយៈពេល៨ថ្ងៃ លោក Biden នឹងជួបជាមួយម្ចាស់ក្សត្រីនៅឯប្រាសាទ Windsor, ចូលរួមកិច្ចប្រជុំថ្នាក់ដឹកនាំ G7 និងចូលរួមកិច្ចប្រជុំកំពូលណាតូលើកដំបូងរបស់លោកក្នុងនាមជាប្រធានាធិបតី។
នៅចុងបញ្ចប់នៃដំណើរទស្សនកិច្ច លោក Biden គ្រោងនឹងជួបជាមួយប្រធានាធិបតីរុស្ស៊ីលោក Vladimir Putin នៅទីក្រុងហ្សឺណែវ។
សេតវិមានបានបង្ហាញថា លោកមានបំណងលើកឡើងអំពីបញ្ហាបន្ទាន់ជាច្រើន ជាមួយសមភាគីរុស្ស៊ីរួមមានដូចជាការគ្រប់គ្រងអាវុធ ការផ្លាស់ប្តូរអាកាសធាតុ ការចូលរួមរបស់យោធារុស្ស៊ីនៅអ៊ុយក្រែន សកម្មភាព Hack របស់រុស្ស៊ីនិងការជាប់ពន្ធនាគាររបស់អ្នកប្រឆាំង Alexei Navalny។
ថ្លែងទៅកាន់កងទ័ពសហរដ្ឋអាមេរិកនិងក្រុមគ្រួសាររបស់ពួកគេនៅឯមូលដ្ឋានអាកាស RAF Mildenhall ក្នុងទីក្រុង Suffolk កាលពីថ្ងៃពុធ, លោក Biden បាននិយាយថា លោកនឹងផ្តល់សារច្បាស់ៗដល់លោក Putin។
លោកនិយាយថា “យើងមិនស្វែងរកជម្លោះជាមួយរុស្ស៊ីទេ។ យើងចង់បានទំនាក់ទំនងមានស្ថិរភាពនិងអាចព្យាករណ៍បាន ប៉ុន្តែខ្ញុំបានដឹងច្បាស់ថា សហរដ្ឋអាមេរិកនឹងឆ្លើយតបតាមរបៀបដ៏រឹងមាំនិងមានអត្ថន័យ ប្រសិនបើរដ្ឋាភិបាលរុស្ស៊ីចូលរួមក្នុងសកម្មភាពដែលបង្កគ្រោះថ្នាក់”៕
ប្រែសម្រួល៖ Vann Vann
ប្រភព៖ BBC
ចុចអាន៖ ចិន ពេញចិត្តចំពោះ អាមេរិក ដែលចែកចាយវ៉ាក់សាំងកូវីដទៅក្រៅប្រទេសជាលើកដំបូង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ