ព័ត៌មានអន្ដរជាតិ
ឥណ្ឌាមានមនុស្សវ័យក្មេងច្រើនជាងគេក្នុងលោកមិនទាន់ចាក់វ៉ាក់សាំង
បុគ្គលិកសុខាភិបាល អ្នកបម្រើការជួរមុខ និងមនុស្សវ័យចំណាស់ជាអាទិភាពសម្រាប់ការចាក់វ៉ាក់សាំងការពារកូវីដ-១៩ បន្ទាប់មកមនុស្សវ័យចាប់ពី៤៥ឆ្នាំឡើងទៅនៅត្រឹមខែមេសា ហើយបន្ទាប់មកអាយុ១៨ដល់៤៥ឆ្នាំចាប់ពីខែឧសភាមក។
ដោយសារកូវីដ-១៩បានរាតត្បាតទូទាំងប្រទេសដ៏អាក្រក់នៅក្នុងខែមេសា នាយករដ្ឋមន្ត្រីឥណ្ឌា លោក Narendra Modi បានពន្លឿបកម្មវិធីចាក់វ៉ាក់សាំង និងបើកដំណើរការចាក់ចាប់ពីថ្ងៃទី១ ខែឧសភា ដល់ពលរដ្ឋអាយុ១៨ឆ្នាំ ដល់៤៥ឆ្នាំ។
ការសម្រេចចិត្តនេះប្រញាប់ចាក់ដល់មនុស្សដែលស្ថិតក្នុងគ្រុបវ័យនេះមានប្រមាណ៦០០លាននាក់នៅប្រទេសដោយឲ្យចុះឈ្មោះតាមរយៈវេបសាយ CoWIN។ ប៉ុន្តែ អ្វីដែលជាបញ្ហានោះគឺមិនមានការផ្គត់ផ្គង់វ៉ាក់សាំងកើនឡើង។
ត្រឹមថ្ងៃទី៤ ខែមិថុនា ឥណ្ឌាបានចាក់វ៉ាក់សាំងហោចណាស់១ដូសដល់មនុស្សប្រមាណ៥០លាននាក់ក្នុងនោះ មនុស្សអាយុ១៨ដល់៤៤ឆ្នាំទើបបានតែ៨%ប៉ុណ្ណោះ។
បន្ថែមលើផលវិបាកនៃការខ្វះវ៉ាក់សាំង គម្លាតក្នុងទទួលបានវ៉ាក់សាំងកាន់តែខ្លាំង ដោយសារមន្ទីរពេទ្យឯកជនមានតម្លៃខុសគ្នាសម្រាប់វ៉ាក់សាំងដូចគ្នា។ មន្ទីរពេទ្យមួយចំនួនស្ថិតក្នុងតំបន់អ្នកមានតម្លៃ២៥ដុល្លារក្នុងមួយដូស ប៉ុន្តែកន្លែងផ្សេងតម្លៃប្រហែល១៣ដុល្លារប៉ុណ្ណោះ។
ជាមួយគ្នា ពលរដ្ឋនៅទីប្រជុំជនបានចាក់វ៉ាក់សាំងលឿនជាងអ្នករស់នៅតំបន់ដាច់ស្រយាល់។ នោះមានន័យថា វ៉ាក់សាំងមិនទៅដល់ផ្នែកជាច្រើននៃប្រជាជននៅដាច់ឆ្ងាយ សូម្បីចាក់វ៉ាក់សាំងបង់ថ្លៃក៏ពិបាក ឬពិបាករកវ៉ាក់សាំងចាក់តាមមន្ទីរពេទ្យឯកជន។
ឥណ្ឌា ដែលជាប្រទេសផលិតវ៉ាក់សាំងធំជាងគេបំផុតក្នុងពិភពលោកបានលក់ ឬបរិច្ចាគវ៉ាក់សាំងការពារកូវីដ-១៩ជាង៦៦លានដូសដល់ប្រទេស៩៥គិតត្រឹមពាក់កណ្តាលខែមេសា។
ប៉ុន្តែករណីផ្ទុះឆ្លងខ្លាំងចាប់ពីពាក់កណ្តាលខែមីនាមក តម្រូវការវ៉ាក់សាំងនៅក្នុងស្រុកបានកើនឡើង។ ឥឡូវនេះឥណ្ឌាចាប់ផ្តើមនាំចូលវ៉ាក់សាំង និងរំពឹងទទួលបានការបរិច្ចាគពីសហរដ្ឋអាមេរិក។
រដ្ឋាភិបាលរំពឹងទទួលបានការផ្គត់ផ្គង់កាន់តែល្អប្រសើរចាប់ពីខែមិថុនានេះ។ រំពឹងថានឹងផលិតវ៉ាក់សាំងបានគ្រប់គ្រាន់នៅត្រឹមខែធ្នូរដើម្បីចាក់ដល់មនុស្សពេញវ័យចំមួន៩៥០លាននាក់ ទោះជាមនុស្សអាយុ១៨ដល់៤៥ឆ្នាំជាអាទិភាពចុងក្រោយក៏ដោយ។
រដ្ឋនានានៅក្នុងប្រទេសឥណ្ឌាចាប់ផ្តើមបន្ធូរបន្ថយបំរាមរឹតត្បិតក្នុងការធ្វើដំណើរ និងអាជីវកម្ម បន្ទាប់ពីករណីឆ្លងថ្មីបានធ្លាក់ចុះ។ ទោះជាយ៉ាងណា អ្នកជំនាញសុខភាពបានព្រមានថា ករណីឆ្លងអាចផ្ទុះសាថ្មី នៅពេលរដ្ឋនានាចាប់បើកឡើងវិញ និងអំពាវនាវឲ្យពន្លឿងក្នុងការចាក់វ៉ាក់សាំង។
គិតត្រឹមថ្ងៃទី៨ ខែមិថុនា ពលរដ្ឋឥណ្ឌាមិនដល់៤%ផងដែលបានចាក់វ៉ាក់សាំងទាំងពីរ និងជិត១៤%បានចាក់យ៉ាងហោចណាស់១ដូស ហើយក្នុងចំណោមនេះមានប្រហែល១ភាគ១០នៃក្រុមមនុស្សអាយុ១៨ដល់៤៥ឆ្នាំបានចាក់៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ