ព័ត៌មានអន្ដរជាតិ
អ្នកវិទ្យាសាស្ត្រថា កូវីដ-១៩នឹងមិនបាត់ទៅណាទេ ហើយគ្រប់គ្នាត្រូវរៀនរស់ជាមួយវាដូចជំងឺផ្តាសាយ
អ្នកវិទ្យាសាស្ត្រកំពូលៗ និងរដ្ឋមន្រ្តីជាន់ខ្ពស់អង់គ្លេសព្រមានថា វីរុសកូរ៉ូណានឹងមិនបាត់ទៅណាឡើយ ហើយយើងនឹងត្រូវរស់នៅជាមួយវីរុសនេះ ដូចគ្នានឹងវីរុសផ្ដាសាយអ៊ីចឹងដែរ។
នាយករដ្ឋមន្ត្រី Boris Johnson និងប្រធានទីប្រឹក្សាមកពីសាកលវិទ្យាល័យធំៗនៅអង់គ្លេសរួមមាន សាស្ត្រាចារ្យ Chris Whitty និងសាស្ត្រាចារ្យ Sir Patrick Vallance បានលើកឡើងថា យើងនឹងត្រូវរស់នៅជាមួយ Covid-19 រយៈពេលយូរ មិនថាបច្ចុប្បន្ននិងអនាគតវែងឆ្ងាយទៀត។
សាស្រ្តាចារ្យ Karol Sikora អ្នកជំនាញខាងផ្នែកវេជ្ជសាស្ត្រនៅសាកលវិទ្យាល័យ Buckingham បានប្រាប់ MailOnline ថា ការឆ្លងនិងស្លាប់ដោយសារកូវីដ-១៩ ព្រមទាំងការលេចឡើងនូវវីរុសបំប្លែងខ្លួនថ្មីៗផ្សេងទៀត នឹងក្លាយជារឿងធម្មតានៅក្នុងសង្គម ហើយយើងត្រូវទម្លាប់ជាមួយបរិបទនេះ។ ទោះបីអត្រាឆ្លងថ្មីធ្លាក់ចុះក៏ពិតមែន ប៉ុន្តែ Covid-19 នឹងមិនធ្លាក់ដល់ចំណុចសូន្យឡើយ។ មិនខុសអីនឹងវីរុសផ្ដាសាយដែលតែងតែមានមនុស្សឈឺរាល់ថ្ងៃ រាល់ឆ្នាំ មិនបាត់ទៅណា គ្រាន់តែតិចឬច្រើនប៉ុណ្ណោះ។
ចំណែកយុទ្ធនាការចាក់វ៉ាក់សាំង ត្រឹមតែជាផ្នែកមួយក្នុងការជួយរារាំងមិនឱ្យមានអ្នកជំងឺកូវីដ-១៩ថ្មីៗ តែមិនជួយទាំងស្រុងឡើយ។
វេជ្ជបណ្ឌិត Raghib Ali អ្នកជំនាញផ្នែករោគសាស្ត្រនៃសាកលវិទ្យាល័យខេមប្រ៊ីដមានប្រសាសន៍ថា ការចាក់វ៉ាក់សាំងត្រឹមអាចបញ្ចុះករណីថ្មី ឬឈានដល់ការបន្ធូរបន្ថយការបិទខ្ទប់ប៉ុណ្ណោះ ចំពោះការសម្លាប់វីរុសឱ្យបាត់បង់តែម្ដង ជារឿងមិនអាចស្មានបានទេ។
ទោះបីអ្នកបានចាក់វ៉ាក់សាំងអាចកាត់បន្ថយរោគសញ្ញាធ្ងន់ធ្ងរប្រមាណ ៩៦ ភាគរយ និងបង្ការការស្លាប់បានជាង ៩០ ភាគរយក៏ដោយ ក៏នៅតែមានមនុស្សរាប់លាននាក់មិនមិនទាន់ទទួលបានការពារនៅឡើយ។ ដូច្នេះការប្រកាន់ខ្ជាប់នូវវិធានការសុខាភិបាល និងរៀនសម្របតាមស្ថានភាពកូវីដ-១៩ជាទំនួលខុសត្រូវរបស់គ្រប់គ្នា។
អ្នកជំនាញសង្កត់ធ្ងន់ថា ការប្រឆាំងនឹងកូវីដ-១៩ មិនមែនជាការទទួលខុសត្រូវរបស់រដ្ឋាភិបាលតែមួយនោះទេ ដើម្បីជួយសង្គ្រោះជីវិតខ្លួនឯងនិងមនុស្សជុំវិញ គ្រប់គ្នាសុទ្ធតែមានតួនាទីទទួលខុសត្រូវដោយគោរពតាមគោលការណ៍សុខភាពរួមមាន ពាក់ម៉ាស សម្អាតដៃ ព្រមទាំងរក្សាគម្លាតជាដើម៕
ប្រែសម្រួល៖ សន្យា
ប្រភព៖ Mail Daily
ចុចអាន៖ ធ្ងន់ធ្ងរហើយ! WHO ព្រមានថា កូវីដ កំពុងរាលដាលលឿនជាងការចែកចាយវ៉ាក់សាំង ជាពិសេសវីរុសបំប្លែងខ្លួន
ចុចអាន៖ ការបកស្រាយចំនួន ៤ ពាក់ព័ន្ធសុខភាពបន្តពូជ ក្រោយចាក់វ៉ាក់សាំងកូវីដ-១៩
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ