វ៉ាក់សាំងកូវីដថ្មីរបស់ឥណ្ឌា មានប្រសិទ្ធភាព ៩០ភាគរយ និងតម្លៃថោក ២ដូស មិនដល់ ៤ដុល្លារផង

វ៉ាក់សាំងផលិតនៅក្នុងប្រទេសឥណ្ឌារបស់ក្រុមហ៊ុន Biological E ត្រូវបានគេរំពឹងថា នឹងមានប្រសិទ្ធភាព៩០ភាគរយប្រឆាំងនឹងជំងឺកូវីដ-១៩ ហើយទំនងនឹងក្លាយជាអាវុធ ក្នុងការប្រយុទ្ធជាមួយជំងឺរាតត្បាត។ នេះបើតាមការលើកឡើងរបស់វេជ្ជបណ្ឌិតជាន់ខ្ពស់ម្នាក់ នៅក្រុមប្រឹក្សារដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក NK Arora ប្រធានក្រុមការងារកូវីដ របស់ក្រុមប្រឹក្សា បាននិយាយថា វ៉ាក់សាំងនេះកំពុងឈានចូលក្នុងការសាកល្បងដំណាក់កាលទី ៣ ហើយអាចរួចរាល់នៅក្នុងខែតុលា។

លោកវេជ្ជបណ្ឌិត Arora និយាយថា វ៉ាក់សាំង Corbevax របស់ក្រុមហ៊ុន Biological E គឺស្រដៀងទៅនឹងវ៉ាក់សាំង Novavax ដែរ ដែលមានប្រសិទ្ធភាពជាង ៩០ ភាគរយប្រឆាំងកូវីដ ព្រមទាំងវីរុសបំប្លែងខ្លួន។

លោកវេជ្ជបណ្ឌិត Arora បានប្រាប់ទូរទស្សន៍ NDTV ថា “វ៉ាក់សាំង Novavax របស់វិទ្យាស្ថាន Serum គឺពិតជាគួរឲ្យរំភើបខ្លាំងណាស់។ កាលពីសប្តាហ៍មុន វាបានបង្កភាពភ្ញាក់ផ្អើល ព្រោះឥណ្ឌានឹងផលិតបានជិតមួយពាន់លានដូសក្នុងមួយឆ្នាំ។ វានឹងមានលក្ខណៈសាមញ្ញហើយថោកជាងមុន ជាមួយនឹងប្រសិទ្ធភាព ៩០ភាគរយ”។ 

វ៉ាក់សាំងឥណ្ឌាស្រដៀងគ្នានេះ ក៏កំពុងស្ថិតក្នុងការសាកល្បងដំណាក់កាលទី៣ដែរ នោះគឺជាវ៉ាក់សាំងរបស់ក្រុមហ៊ុន Bio E។ វ៉ាក់សាំងទាំងនេះពិតជាគួរឲ្យរំភើបណាស់ ព្រោះយើងមានបទពិសោធកន្លងមកលើវេទិកាស្រដៀងគ្នានេះ។ ពួកគេមានសុវត្ថិភាពលើគ្រប់ក្រុមអាយុហើយមានប្រសិទ្ធិភាពខ្ពស់។ វ៉ាក់សាំងនេះ មានតម្លៃត្រឹម ៣.៣៩ដុល្លារប៉ុណ្ណោះ សម្រាប់២ដូស៕

ប្រែសម្រួល៖ Vann Vann

ប្រភព៖ NDTV

ចុចអាន៖ ទីបំផុត វៀតណាម ទទួលបានវ៉ាក់សាំងការពារកូវីដ ដែលផ្ដល់ដោយ ជប៉ុន ហើយ