ព័ត៌មានអន្ដរជាតិ
ធ្ងន់ធ្ងរវិញហើយ ប្រេស៊ីល រកឃើញអ្នកឆ្លងកូវីដថ្មីមិនធ្លាប់មានជាង ១១ ម៉ឺនករណី
ក្រសួងសុខាភិបាលប្រេស៊ីលបាននិយាយថា ប្រទេសប្រេស៊ីលកាលពីថ្ងៃពុធបានរាយការណ៍ពីករណីឆ្លងជំងឺកូវីដ ១៩ ប្រចាំថ្ងៃថ្មីមិនធ្លាប់មាន ចំនួន ១១៥,២២៨ ករណី ដោយនាំឲ្យករណីឆ្លងសរុបកើនដល់ទៅ ១៨,១៦៩,៨៨១ ករណី ។
ទន្ទឹមនោះ មនុស្សចំនួន ២,៣៩២ នាក់ទៀតបានស្លាប់ ដោយសារជំងឺនេះក្នុងរយៈពេលដូចគ្នា ដែលធ្វើឲ្យចំនួនអ្នកស្លាប់ទូទាំងប្រទេសកើនដល់ ៥០៧,១០៩ នាក់ ។
បន្ថែមពីនេះ រដ្ឋ Sao Paulo ជារដ្ឋដែលមានប្រជាជនច្រើនជាងគេ នៅតែជាតំបន់ដែលរងគ្រោះខ្លាំងបំផុតរបស់ប្រទេស ខណៈការរឹតត្បិតការបិទខ្ទប់ ត្រូវបានពន្យាររហូតដល់ថ្ងៃទី ១៥ ខែកក្កដា ដោយសារតែការកើនឡើងជាបន្តបន្ទាប់នៃករណីឆ្លង និងការចូលសម្រាកព្យាបាលនៅមន្ទីរពេទ្យ ។
ស្របពេលជាមួយគ្នានេះ ប្រព័ន្ធសុខាភិបាលរដ្ឋមួយចំនួនទៀតរួមទាំង Sao Paulo រដ្ឋ Mato Grosso do Sul រដ្ឋ Santa Catarina និងរដ្ឋ Parana កំពុងពោរពេញទៅដោយអ្នកជំងឺណែនណាន់តាន់តាប់ ។
គួរបញ្ជាក់ថា ប្រទេសប្រេស៊ីល មានចំនួនអ្នកស្លាប់ដោយសារជំងឺកូវីដ ១៩ ខ្ពស់ជាងគេលំដាប់ទី ២ នៅលើពិភពលោក បន្ទាប់ពីសហរដ្ឋអាមេរិក និងមានករណីឆ្លងលំដាប់ទី ៣ នៅពីក្រោយសហរដ្ឋអាមេរិក និងឥណ្ឌា ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ ប្រេស៊ីល ស្លាប់ដោយកូវីដជាងកន្លះលាននាក់ហើយ តែអ្នកជំនាញព្រមានកាន់តែអាក្រក់
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)