Connect with us

ព័ត៌មានអន្ដរជាតិ

ថៃ ព្រមានថា ផ្សែងគីមីចេញពីរោងចក្រផលិតប្លាស្ទិកដែលផ្ទុះឆេះ កំពុងបង្កមហន្តរាយធ្ងន់ធ្ងរដល់ប្រជាជននៅជុំវិញនោះ

បានផុស

នៅ

ការផ្ទុះឆេះយ៉ាងខ្លាំងក្លានៅរោងចក្រផលិតស្នោប្លាស្ទិកក្នុងស្រុក Bang Phli ខេត្ត Samut Prakan ប្រទេសថៃបានជំរុញឲ្យមានការអំពាវនាវជាបន្ទាន់ ដើម្បីការពារកុំឲ្យមានជំងឺមហារីក ក៏ដូចជាគ្រោះថ្នាក់ពីវត្ថុធាតុដើមផ្សេងៗដែលនៅសល់ពីអគ្គីភ័យ បណ្តាលឲ្យប៉ះពាល់ដល់បរិស្ថាន និងសហគមន៍ប្រជាជននៅជុំវិញរោងចក្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្សែងខ្មៅដែលកើតចេញពីសារធាតុគីមី ដែលបានផ្ទុះឆេះនោះ បានជំរុញឲ្យអាជ្ញាធរព្រមានដល់អ្នកស្រុក អំពីគ្រោះថ្នាក់នៃការស្រូបផ្សែងពុលចូលក្នុងខ្លួន ក៏ដូចជាមិនឲ្យងូតទឹកភ្លៀង ដោយសារតែវាអាចជាភ្លៀងអាស៊ីតកើតចេញពីការហ៊ុយផ្សែងនោះ ។

លោក Attapol Charoenchansa អគ្គនាយកនៃនាយកដ្ឋានត្រួតពិនិត្យការបំពុលបរិស្ថាន បានព្រមានដល់សាធារណជនថា ផ្សែងដែលចេញពីរោងចក្រគីមីនោះ គឺជាសារធាតុបង្កមហារីក ហើយមិនត្រូវស្រូបចូលក្នុងខ្លួននោះទេ ។

ស្របពេលជាមួយគ្នានេះ លោក Non Chindawet អនុប្រធានផ្នែកសុខាភិបាលខេត្ត Samut Prakan ក៏បានព្រមានផងដែរថា ផ្សែងគីមីអាចធ្វើឲ្យរលាកភ្នែក ប្រព័ន្ធដង្ហើម និងស្បែក ។ លោកបាននិយាយថា មជ្ឈមណ្ឌលសង្គ្រោះបន្ទាន់ចំនួន ២ ក៏ត្រូវបានបង្កើតឡើង ដើម្បីជួយប្រជាជនដែលរងផលប៉ះពាល់ផងដែរ ។

ចំណែកលោកសាស្ត្រាចារ្យ Kitikorn Charmondusit មកពីមជ្ឈមណ្ឌលស្រាវជ្រាវ និងបណ្តុះបណ្តាលផ្នែកអេកូឧស្សាហកម្មនៃសាកលវិទ្យាល័យ Mahidol បាននិយាយថា “ក្រសួងធនធានធម្មជាតិ និងបរិស្ថាន និងអង្គការរដ្ឋាភិបាលក្នុងតំបន់ នឹងត្រូវពិភាក្សាអំពីសកម្មភាពអ្វីដែលត្រូវធ្វើ ដើម្បីកាត់បន្ថយផលប៉ះពាល់នៃការផ្ទុះនេះ” ។

លោកបាននិយាយថា “ពួកគេក៏គួរតែពិភាក្សាពីវិធានការណ៍នានា ដើម្បីការពារកុំឲ្យមានការផ្ទុះឡើងម្តងទៀតនៅឯរោងចក្រឧស្សាហកម្មផ្សេងទៀត ដែលមានផ្ទុកនូវសារធាតុគីមីងាយឆេះជាច្រើនបែបនេះ” ។

គួរបញ្ជាក់ថា ការផ្ទុះឆេះដ៏ខ្លាំងក្លានៅរោងចក្រផលិតស្នោប្លាស្ទិក Ming Dih Chemical Co ក្នុងស្រុក Bang Phli ខេត្ត Samut Prakan បានកើតឡើងកាលពីវេលាម៉ោងប្រមាណ ៣ និង ២០ នាទីព្រឹកថ្ងៃចន្ទ ដែលបណ្តាលឲ្យមនុស្សម្នាក់ស្លាប់ និងយ៉ាងហោចណាស់ ៦០ នាក់រងរបួស ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ អគ្គីភ័យ​ឆេះ​រោង​ចក្រ​គីមី​នៅ​ ថៃ សម្លាប់​មនុស្ស​ម្នាក់ របួស ​៦០ នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ១ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ២ ម៉ោង មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

ព័ត៌មានជាតិ២ ម៉ោង មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

ព័ត៌មានជាតិ២ ម៉ោង មុន

រដ្ឋមន្ត្រីក្រសួងកសិកម្ម៖ យុត្តិធម៌​សម្រាប់​មន្ដ្រី​ស្អាតស្អំ មិន​អាច​កាត់​ថ្លៃ​បាន​ទេ

Sokha Hotels

ព័ត៌មានពេញនិយម