អ្នកវិទ្យាសាស្ត្រ បញ្ជាក់ច្បាស់ៗថា កូវីដ មានប្រភពដើមនៅក្នុងធម្មជាតិ មិនមែនចេញពីមន្ទីរពិសោធន៍នោះទេ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អ្នកវិទ្យាសាស្ត្របញ្ជាក់ច្បាស់ៗថា កូវីដ មានប្រភពដើមនៅក្នុងធម្មជាតិ មិនមែនចេញពីមន្ទីរពិសោធន៍នោះទេ

បានផុស

នៅ

អ្នកវិទ្យាសាស្ត្រមួយក្រុមបានសរសេរបោះពុម្ភផ្សាយ នៅក្នុងទស្សនាវដ្តី Lancet ថា វីរុស SARS-CoV-2 ទំនងជាមានប្រភពដើមនៅក្នុងធម្មជាតិ ហើយមិនមែនកើតចេញពីមន្ទីរពិសោធន៍នោះទេ ដោយផ្អែកលើការវិភាគហ្សែនដំបូងនៃវីរុសថ្មី និងភស្តុតាងដែលបានបង្កើតឡើងយ៉ាងល្អពីជំងឺឆ្លងថ្មីៗ រួមទាំងជំងឺកូវីដ ១៩ ជាដើម ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ដែលបានបោះពុម្ពផ្សាយនេះ គឺជាការចងក្រងដោយអ្នកជីវវិទ្យា អ្នកបរិស្ថានវិទ្យា អ្នកជំនាញខាងរោគឆ្លង គ្រូពេទ្យជំនាញសុខភាពសាធារណៈ និងពេទ្យសត្វមកពីជុំវិញពិភពលោក ។

របាយការណ៍នោះបានបន្ថែមថា “មិនមានភស្តុតាងវិទ្យាសាស្ត្រណាមួយ គាំទ្រទ្រឹស្តីដែលថាជំងឺកូវីដ ១៩ បានលេចចេញពីមន្ទីរពិសោធន៍ចិននោះទេ ហើយការសិក្សាថ្មីៗបន្ថែមទៀតបង្ហាញថា វីរុសមានការវិវត្តនៅក្នុងធម្មជាតិ” ។

របាយការណ៍នោះពន្យល់ថា “ការប្រមូលព័ត៌មានវិទ្យាសាស្ត្រដោយយកចិត្តទុកដាក់ និងមានតម្លាភាព គឺចាំបាច់ដើម្បីស្វែងយល់ពីវិធី ដែលវីរុសនេះបានរាលដាល និងបង្កើតយុទ្ធសាស្ត្រដើម្បីកាត់បន្ថយផលប៉ះពាល់ នៃជំងឺកូវីដ ១៩ ដែលកំពុងកើតមាន មិនថាវាកើតឡើងជាលក្ខណៈធម្មជាតិ ឬតាមផ្លូវណានោះទេ យើងត្រូវតែការពាររោគរាតត្បាតនាពេលអនាគត” ។

របាយការណ៍បញ្ជាក់ថា “ដើម្បីសម្រេចបាននូវគោលបំណងនេះ យើងលើកទឹកចិត្តដល់អង្គការសុខភាពពិភពលោក (WHO) និងដៃគូវិទ្យាសាស្ត្រនៅទូទាំងពិភពលោក ឲ្យធ្វើចលនាយ៉ាងឆាប់រហ័សដើម្បីបន្ត និងពង្រីកការស៊ើបអង្កេតដំបូងរបស់ពួកគេ ជាមួយអ្នកជំនាញនៅក្នុងប្រទេសចិន និងរដ្ឋាភិបាលចិន” ។

របាយការណ៍នេះក៏គាំទ្រផងដែរ ដល់ការអំពាវនាវរបស់មេដឹកនាំក្រុមប្រទេស G7 ឲ្យមានការសិក្សាពីប្រភពដើមនៃជំងឺកូវីដ ១៩ ដំណាក់កាលទី ២ ដែលត្រូវបានរៀបចំឡើងដោយ WHO ។

គួរបញ្ជាក់ថា គិតត្រឹមពេលនេះ នៅលើពិភពលោកមានករណីឆ្លងជំងឺកូវីដ ១៩ ជាង ១៨៥ លានករណី និងមានអ្នកស្លាប់ជាង ៤ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ទីបំផុត WHO ណែនាំឲ្យប្រើប្រាស់ថ្នាំរលាកសន្លាក់មួយប្រភេទ ព្យាបាលអ្នកជំងឺកូវីដ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

សមត្ថកិច្ច​ខេត្តសៀមរាប​ឃាត់ខ្លួន​មនុស្ស​៧​នាក់​ ករណី​ល្មើស​បម្រាម​កូ​វីដ១៩​និង​ប្រើប្រាស់​សារធាតុ​ញៀន

នយោបាយ៧ ម៉ោង មុន

ព្រះអង្គម្ចាស់​ក្ស​ត្រី​យ៍ នរោត្តម ម៉ា​រី បដិសេធ​មិន​ពាក់ព័ន្ធ​ជាមួយ​ការយក​ត្រា​របស់​គណបក្ស​ហ៊្វុនស៊ិនប៉ិច

ព័ត៌មានជាតិ៨ ម៉ោង មុន

ក្រុម​ឆក់​យ៉ាងសកម្ម​ជាច្រើនលើក ចំនួន​៧​នាក់ ត្រូវបាន​កម្លាំង​នគរបាល​ខេត្ត​កែប សហការ​បង្ក្រាប​និង​ឃាត់ខ្លួន

កូវីដ-១៩៩ ម៉ោង មុន

បិទ​ខ្ទប់​វត្ត​ពោធិ​លង្ការ ក្រុង​សៀមរាប ដោយសារ​ផ្ទុះ​ការឆ្លង​ជំងឺ​កូ​វីដ​-១៩ ក្នុង​មន្ត្រី​សង្ឃ​វត្ត​

ព័ត៌មានជាតិ៩ ម៉ោង មុន

ស្អែកនេះ​ ​កម្ពុជា នឹង​ផ្តល់​វ៉ាក់សាំង​ Sinovac ២០​ម៉ឺនដូស ដល់ប្រទេសឡាវ​

Sokha Hotels

ព័ត៌មានពេញនិយម

Helistar Cambodia - Helicopter Charter Services