ព័ត៌មានអន្ដរជាតិ
បើកមិនទាន់បានប៉ុន្មានផង ភូកេត រកឃើញភ្ញៀវទេសចរ ឆ្លងកូវីដ
លោក Narong Woonciew អភិបាលខេត្តភូកេត បាននិយាយនៅថ្ងៃពុធនេះថា បុរសម្នាក់មកពីប្រទេសអារ៉ាប់រួម ដែលបានមកដល់ខេត្តកោះភាគខាងត្បូងរបស់ប្រទេសថៃ នៅក្នុងក្រុមអ្នកទេសចរមួយកាលពីថ្ងៃអង្គារ ត្រូវបានគេរកឃើញថាឆ្លងជំងឺកូវីដ ១៩ ។
គាត់គឺជាអ្នកទេសចរដំបូងគេ ដែលរកឃើញឆ្លងជំងឺកូវីដ ១៩ ចាប់តាំងពីខេត្តនេះបានបើកដំណើរការឡើងវិញនៅថ្ងៃទី ១ ខែកក្កដា ក្រោមគម្រោង “ប្រអប់ខ្សាច់ភូកេត ឬ Phuket Sandbox” ។
ទន្ទឹមនោះ ការិយាល័យសុខាភិបាលខេត្ដបានរាយការណ៍ថា សំណាកនោះបានយកចេញពីភ្ញៀវទេសចរ ពេលមកដល់ព្រលានយន្តហោះអន្តរជាតិភូកេតកាលពីថ្ងៃអង្គារ មុនពេលទៅសណ្ឋាគាររបស់គាត់ ។
ចំណែកការធ្វើតេស្តរបស់អ្នកទេសចររូបនោះ បានចេញនៅចន្លោះម៉ោង ១០ ដល់ម៉ោង ១១ យប់ ហើយលទ្ធផលនោះបង្ហាញថាវិជ្ជមាន ។
ភ្លាមៗនោះ មន្ត្រីសុខាភិបាលបានជូនដំណឹងទៅអ្នកគ្រប់គ្រងសណ្ឋាគារ និងនាំភ្ញៀវទេសចររូបនោះ ទៅកាន់មន្ទីរពេទ្យដើម្បីព្យាបាល ។
រីឯអ្នកទេសចរផ្សេងទៀតនៅក្នុងក្រុមតែមួយនោះ ត្រូវបានគេដាក់ឲ្យធ្វើចត្តាឡីស័ករយៈពេល ១៤ ថ្ងៃនៅសណ្ឋាគារមួយដែលផ្តល់ដោយខេត្ត សម្រាប់ការតាមដាន និងការធ្វើតេស្តរកជំងឺកូវីដ ១៩ ។
លោកអភិបាលខេត្តបាននិយាយថា ចាប់ពីថ្ងៃទី ១ ដល់ ៧ ខែកក្កដា ភ្ញៀវទេសចរសរុបចំនួន ២,១១៣ នាក់បានទៅដល់កោះភូកេតក្រោមគម្រោង “ប្រអប់ខ្សាច់ភូកេត ឬ Phuket Sandbox” ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post

-
ព័ត៌មានជាតិ៧ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
សេចក្ដីជូនដំណឹង៦ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
នយោបាយ៧ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ១៦ ម៉ោង ago
ក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
នយោបាយ២ ថ្ងៃ ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ១ សប្តាហ៍ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ
-
ព័ត៌មានអន្ដរជាតិ២ ថ្ងៃ ago
ត្រី Oarfish បង្ហាញវត្តមាននៅប្រទេស អូស្រ្តាលី
-
ព័ត៌មានជាតិ៥ ថ្ងៃ ago
កម្ពុជា បន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ ខណៈកម្ដៅ៣៧°C