ព័ត៌មានអន្ដរជាតិ
អតីតរដ្ឋមន្ត្រីវ័យក្មេងបំផុតម៉ាឡេស៊ី Syed Saddig ជាប់ចោទរំលោភលើសេចក្តីទុកចិត្ត
សមាជិកភាវ័យក្មេងនៅទីក្រុង Muar របស់ប្រទេសម៉ាឡេស៊ីលោក Syed Saddiq Syed Abdul Rahman បានអះអាងថា លោកមិនមានកំហុសពាក់ព័ន្ធនឹងការចោទប្រកាន់ពីបទរំលោភលើសេចក្តីទុកចិត្ត និងប្រើប្រាស់ប្រាក់មិនត្រឹមត្រូវរបស់មូលនិធិដែលជាកម្មសិទ្ធិរបស់អតីតគណបក្សរបស់លោក Parti Pribumi Bersatu ឡើយ។
លោកត្រូវបានចោទប្រកាន់នៅថ្ងៃព្រហស្បតិ៍ ទី២២ ខែកក្កដានេះ នៅក្នុងសម័យបើកសវនាការមួយនៅទីក្រុងកូឡាឡាំពួរពីបទបំលោភលើសេចក្តីទុកចិត្តពាក់ព័ន្ធនឹងប្រាក់ជាង ២៣៦ ០០០ដុល្លារអាមេរិកពីគណបក្ស Bersatu និងប្រើប្រាស់ប្រាក់ប្រមាណ ២៨ ៣៩៥ដុល្លារអាមេរិកមិនសមហេតុផលក្នុងការបរិច្ចាគសម្រាប់យុទ្ធនាការណ៍ឃោសនាបោះឆ្នាំសកលលើកទី១៤។
សម្រាប់ការចោទប្រកាន់ទី១ លោក Syed Saddiq ដែលក្រោយបានក្លាយជាប្រធានក្រុមការងារយុវជនរបស់គណបក្ស Bersatu ត្រូវបានចោទប្រកាន់ពីការរំលោភលើសេចក្តីទុកចិត្តពាក់ព័ន្ធនឹងការដកប្រាក់ជាមូលប្បទានប័ត្រប្រមាណ ២៣៦ ៦៣០ដុល្លារអាមេរិកដោយគ្មានការយល់ព្រមពីក្រុមប្រឹក្សាជាន់ខ្ពស់របស់គណបក្ស។
លោកត្រូវបានចោទពីការប្រព្រឹត្តនៅថ្ងៃទី៦ ខែមីនា ឆ្នាំ២០២០។ ការចោទប្រកាន់ស្ថិតក្រោមមាត្រា៤០៥នៃក្រមព្រហ្មទណ្ឌដែលអាចនឹងជាប់ពន្ធនាគារមិនលើសពី១០ឆ្នាំ។
ជាមួយគ្នានេះ លោក Syed Saddiq ក៏ត្រូវបានចោទប្រកាន់ពីបទការប្រើប្រាស់អំណោយមិនត្រឹមត្រូវសម្រាប់ប្រាក់ ២៨ ៣៩៥ដុល្លារអាមេរិកសម្រាប់យុទ្ធនាការណ៍ឃោសនាបោះឆ្នោតសកលលើកទី១៤ដែលត្រូវបានរ៉ៃអង្គាស់តាមរយៈគណនេយ្យធនាគារមួយដែលជាកម្មសិទ្ធិរបស់សហគ្រាស Armada Bumi Bersatu Enterprise។ ការចោទប្រកាន់នេះអាចជាប់ពន្ធនាគារពី៦ខែទៅ៥ឆ្នាំ។
ការបើកសវនាការត្រូវបានធ្វើឡើងដោយនាយកជាន់ខ្ពស់នៃផ្នែកច្បាប់ និងអយ្យការនៃគណៈកម្មការប្រឆាំងនឹងអំពើពុលរលួយម៉ាឡេស៊ី (MACC) លោក Faridz Gohim Abdullah និងព្រះរាជ្ញារងលោក Muhammad Asraf Mohamed Tahir និងលោក Mohd Afif Ali។
ទោះបីជាយ៉ាងណា បុរសវ័យ២៨ឆ្នាំ Syed Saddiq បានអះអាងថា លោកមិនបានប្រព្រឹត្តដូចការចោទប្រកាន់នៅចំពោះមុខចៅក្រម Azura Alwi។ ប្រាក់ធានាប្រមាណ ៧៨ ០៨៨.០៧ដុល្លារត្រូវបានដាក់តម្កល់ដើម្បីធានាលើការចោទប្រកាន់មួយសម្រាប់ការចោទប្រកាន់ទាំងពីរ។
យោងតាមការផ្សាយរបស់ The Star ថា ចៅក្រមក៏បានបញ្ជាឲ្យ Syed Saddiq ប្រគល់លិខិតឆ្លងដែន និងរាយការណ៍ទៅការិយាល័យ MACC ជារៀងរាល់ខែ។
បុរសសង្ហា Syed Saddiq បានក្លាយជារដ្ឋមន្ត្រីសហព័ន្ធវ័យក្មេងបំផុតរបស់ប្រទេសម៉ាឡេស៊ី នៅពេលលោកត្រូវបានតែងតាំងជារដ្ឋមន្ត្រីយុវជន និងកីឡារបស់រដ្ឋាភិបាល Pakatan Harapan (PH)។
បន្ទាប់ពីចាកចេញពីរដ្ឋាភិបាល PH របស់គណបក្ស Bersatu លោក Syed Saddiq ត្រូវបានបណ្តេញចេញពីបក្សកាលពីខែឧសភា ឆ្នាំមុនជាមួយនឹងលោក Mahathir និងសមាជិកសភាជាច្រើនរូបទៀត។ ក្រោយមក លោកបានសហបង្កើតគណបក្សដែលផ្តោតលើយុវជនលើកដំបូងរបស់ម៉ាឡេស៊ីហៅថា សម្ព័ន្ធភាពប្រជាធិបតេយ្យរួបរួមម៉ាឡេស៊ី (MUDA)៕
ប្រែសម្រួល៖ វីរបុត្រ
ប្រភព៖ CNA
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ