ព័ត៌មានអន្ដរជាតិ
អស់ពីកូវីដ ចូលគ្រោះធម្មជាតិ! អ្នកស្លាប់ដោយសារទឹកជំនន់នៅឥណ្ឌា កើនដល់ ២៥១នាក់
ស្របពេលដែលវិបត្តិជំងឺរាតត្បាតកូវីដ-១៩ ទើបតែបង្ហាញសញ្ញាថមថយមិនទាន់បានប៉ុន្មានផងនោះ ចំនួនអ្នកស្លាប់ដោយសារទឹកជំនន់នៅរដ្ឋ Maharashtra បានកើនឡើងដល់ ២៥១ នាក់ហើយ គិតត្រឹមថ្ងៃចន្ទទី២៦ ខែកក្កដានេះ។
ក្រុមជួយសង្គ្រោះចំនួន ៧ មកពីបញ្ជាការកងទ័ពជើងទឹកភាគខាងលិច ប្រទេសឥណ្ឌា ដែលដាក់ពង្រាយនៅតំបន់ Ratnagiri និង Raigad បានបន្តកិច្ចខិតខំប្រឹងប្រែង ដើម្បីផ្តល់ជំនួយដល់ប្រជាជនដែលរងគ្រោះដោយទឹកជំនន់នៅក្នុងរដ្ឋនេះ។
ទីភ្នាក់ងារព័ត៌មាន ANI បានរាយការណ៍ថា ក្រុមទាំងអស់នឹងវិលត្រឡប់ទៅកាន់ទីក្រុងបុមបៃវិញនៅពេល បញ្ចប់កិច្ចប្រឹងប្រែងជួយសង្គ្រោះ។
លោក Uddhav Thackeray នាយករដ្ឋមន្រ្តីរបស់រដ្ឋនេះ បាននិយាយថា កញ្ចប់ជំនួយសង្គ្រោះនឹងត្រូវបានប្រកាសក្នុងពេលឆាប់ៗនេះ ហើយកងកម្លាំងដាច់ដោយឡែកមួយ នឹងត្រូវបានបង្កើតឡើងនៅតាមស្រុកងាយរងគ្រោះ ដើម្បីធានាឲ្យមានការឆ្លើយតបលឿនក្នុងពេលមានគ្រោះធម្មជាតិ។
ក្នុងពេលជាមួយគ្នានេះ នាយកដ្ឋានឧតុនិយមឥណ្ឌា (IMD) នៅថ្ងៃចន្ទ បាននិយាយថា ភ្លៀងទំនងជានឹងធ្លាក់កាន់តែខ្លាំង នៅតំបន់ហិមាល័យភាគខាងលិច និងតំបន់ទំនាបភាគពាយព្យប្រទេសឥណ្ឌាចាប់ពីថ្ងៃនេះតទៅ។
គួរបញ្ជាក់ជាថ្មីថា ភ្លៀងមូសុងចាប់ពីខែមិថុនាដល់ខែកញ្ញា តែងតែបណ្តាលឲ្យមានមនុស្សស្លាប់ និងការជម្លៀសទ្រង់ទ្រាយធំ នៅក្នុងប្រទេសអាស៊ីខាងត្បូងមួយនេះ ជារៀងរាល់ឆ្នាំ ប៉ុន្តែវាក៏បានផ្តល់នូវទឹកភ្លៀងដល់ប្រទេសឥណ្ឌាជាង ៧០ភាគរយ និងមានសារៈសំខាន់សម្រាប់កសិករផងដែរ៕
ប្រែសម្រួល៖ Vann Vann
ប្រភព៖ India Express
ចុចអាន៖ ទីក្រុង ឡុងដ៍ ជន់លិចធ្ងន់ធ្ងរ ដោយជំនន់ទឹកភ្លៀង
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ